"Инвалид ейәнен дауалау өсөн эшләй ине..."

Әле кондукторҙың кемлеге асыҡланды. Фәриҙә исемле был апайға 59 йәш булған. Ул ғинуарҙа 60 йәшен билдәләргә йыйынған. Йәше буйынса пенсияға сыҡһа ла, эшләүен дауам иткән. Баҡһаң, уның бәләкәй ейәне булған, малай инвалид икән. Өләсәй кеше уны дауалауҙа ярҙам итергә тырышҡан.

"Бик изге, ярҙамсыл кеше ине. Элек мәктәптә инглиз телен уҡытты, һуңғы алты йыл беҙҙең депола эшләне. Башҡа хеҙмәткәрҙәр өсөн өлгө булды. 15 ғинуарҙа юбилейын билдәләргә йыйына инек. Шундай фажиғә..." – тиҙәр уның тураһында Стәрлетамаҡ троллейбус идаралығында.

Фәриҙә Стәрлебаш районында тыуған, ә Стәрлетамаҡта ҡыҙы һәм инвалид ейәне менән ҡуртымға фатир алып йәшәгәндәр. Ул ейәнен ныҡ яратҡан, ҡулынан килгәнсә уның күңелен күргән.

Уны кисә тыуған ауылында ерләгәндәр. Хушлашырға килгән яҡындары һәм хеҙмәттәштәре бер сумка өсөн өҙөлгән ғүмергә ныҡ ҡайғыра.

Фото: КП-Өфө.

ДУҪТАР! Һеҙҙең был яңылыҡҡа бәйле фекерегеҙҙе беҙҙең социаль селтәрҙәрҙәге төркөмдәребеҙҙә белдерергә саҡырабыҙ:
https://vk.com/gazetabashkortostan
https://facebook.com/gazeta.bashkortostan