Тайғаҡ юлда ҡыумағыҙ!

Башҡортостандың ЮХХДИ идаралығы начальнигы Динар Ғилметдинов, һауа торошо боҙолоу сәбәпле, водителдәрҙе юлдарҙа һаҡ булырға саҡыра.

– Ял көндәре республикабыҙҙың бөтә район һәм ҡалаларында ла профилактик саралар үткәрәбеҙ, – тине Динар Ғилметдинов халыҡҡа мөрәжәғәт итте. – Күреп тораһығыҙ, автомобиль юлдары ныҡ тайғаҡ. Тиҙлек режимын үтәгеҙ, юл билдәләренә иғтибарлыраҡ булығыҙ. Иртәгә көндәр саманан тыш һалҡынайтасаҡ, ипләп йөрөүегеҙ һорала. Тайғаҡ юлда, ғөмүмән, трассала автомобилде ҡыумағыҙ!

Динар Ғилметдинов водителдәргә үҙҙәрен һәм яҡындарын һаҡларға саҡырҙы.

Фото: Башҡортостандың ЮХХДИ идаралығы.