+20 °С
Болотло
Йәмғиәт
14 Февраль 2021, 17:40
“Яратам FEST» араларҙы яҡынайтты
Ғашиҡтар көнөнә арнап Өфөнөң “Динамо” стадионында ойошторолған сара нисек үтте? Уның еңеүселәре кемдәр?
Ғашиҡтар көнөнә арнап Өфөнөң “Динамо” стадионындағы боҙ майҙанында дискотека уҙҙы. Уны «Башкортостан 24» муниципаль телеканалы ойошторҙо. Был хаҡта каналдың сайтында хәбәр ителә.
Йыр-моңло байрам дүрт сәғәттән ашыу барҙы, ике меңдән ашыу тамашасы йыйҙы. Уны «SPLASH» барабансылар шоуы башлап ебәрҙе. Телеканалдың алып барыусылары бер-береһен алыштыра-алыштыра конкурстар ойошторҙо, приздар уйнатты. “Яратам FEST”ың тәүге еңеүселәре – үҙҙәрен бик мәрәкә итеп “маринат” тип атаған Марина менән Ринат Сакаевтар. Улар инде 17 йыл законлы никахта йәшәп, ике бала үҫтерә.
“Динамо”лағы байрамда “РайТенс” бейеү мәктәбенән – көнсығыш, Алтынай Вәлитовтан – башҡорт һәм татар, мультиинструменталист Ришат Рәхимовтан төрлө халыҡ моңдары яңғыраны.
“Зәйнетдин” этно-төркөмө “боҙло” кисәнең хедлайнеры булды. Байрам DJ Fatikh һайлап ишеттергән көйҙәр менән тамамланды.
“Башҡортостан” ДТРК-һы директоры Азамат Сәлихов әйткәненсә, «Яратам FEST» - ул сәләмәт тормош һәм мөхәббәт байрамы, шуға ла датаһы ла осраҡлы түгел.
Фотолар: “Башҡортостан-24”.
