Эльбрус Ниғмәтуллин ашнаҡсы булған

Донъяның иң көслө кешеһе Эльбрус Ниғмәтуллин үҙ ғүмерендә тәүге тапҡыр ролл эшләп ҡараған. Был хаҡта ул социаль селтәрҙә үҙенең дуҫтары менән дә бүлешкән.

“Бөгөн тәүге тапҡыр ролл әҙерләп ҡараным. Бик тәмле килеп сыҡты, иң мөһиме – эсендә нимә икәнен беләбеҙ. Ә һеҙ эшләп ҡарағанығыҙ бармы?” – тип яҙҙы ул үҙ сәхифәһендә. Шулай уҡ “Килеп сығырына ышанып та етмәгәйнем, әммә ғаилә кәңәшмәһендә тағы ҡабатларға кәрәк, тип хәл иттек”, “Әлбиттә, япон ризыҡтарын япондарҙың үҙҙәренән башҡа бер кем дә улар кеүек итеп эшләй алмай” тигән комментарийҙар ҙа ҡалдырған.

Донъяның иң көслө кешеһенең виртуаль донъялағы дуҫтары уның был шөғөлөнә яҡшы баһа биргән.

Фото: Эльбрус Ниғмәтуллиндың социаль селтәрҙәге сәхифәһенән.