Юл йөрөү ваҡытлыса сикләнә

Бөгөн Башҡортостан Хөкүмәте Президиумы ултырышында 2021 йылдың йәй һәм көҙ айҙарында дөйөм файҙаланыуҙағы автомобиль юлдарында йөрөүҙе ваҡытлыса сикләү тураһындағы ҡағиҙәләр раҫланды.

Яҙғы сикләү быйылғы 1 апрелдән алып 30 апрелдә тиклем ғәмәлдә буласаҡ, уның маҡсаты – яуым-төшөм күп булған осорҙа юлдарҙың техник торошон һаҡлау. Яҙғы миҙгелдәге сикләү ҡала-ара автобус хәрәкәттәренә, аҙыҡ-түлек һәм дарыу, орлоҡ, йорт хайуандары, почта ташыған автомобилдәргә ҡағылмай.

Йәйге осорҙағы сикләү асфальт һәм бетон түшәлгән юлдарҙы ауыр йөк машиналары йөрөгән саҡта боҙолоуҙан һаҡлау маҡсатында индерелә, ул 1 июндән 31 авгусҡа саҡлы һауа температураһы 32 градустан артып киткән саҡта ғәмәлгә ашырыласаҡ.

Фото: bashinform.ru.