+21 °С
Болотло
Йәмғиәт
5 Март 2021, 11:46
Тирегеҙ тиҙ ҡартаймаһын!
Йылдар үткән һайын тиренең һығылмалылығы юғала бара, ул дымды күберәк юғалтыуҙан кибә башлай. Һөҙөмтәлә ваҡ ҡына һырҙар барлыҡҡа килә, пигмент таптар килеп сыға, тиренең төҫө үҙгәрә. Ни хәл итәһең, был тәбиғи күренеш, һәм берәү ҙә унан “ҡасып” ҡотола алмай. Кемдәлер өлкәнәйеү билдәләре иртәрәк күренә башлай, кемдәлер – һуңыраҡ.
Йылдар үткән һайын тиренең һығылмалылығы юғала бара, ул дымды күберәк юғалтыуҙан кибә башлай. Һөҙөмтәлә ваҡ ҡына һырҙар барлыҡҡа килә, пигмент таптар килеп сыға, тиренең төҫө үҙгәрә. Ни хәл итәһең, был тәбиғи күренеш, һәм берәү ҙә унан “ҡасып” ҡотола алмай. Кемдәлер өлкәнәйеү билдәләре иртәрәк күренә башлай, кемдәлер – һуңыраҡ. Был генетикаға ла бәйле. Йөҙ һыҙаттарындағы өлкәнәйеү билдәләре мөмкин тиклем аҙыраҡ булһын тиһәң, йәшең 35 – 40-тан ашҡас, тирене тәрбиәләүгә иғтибарлыраҡ ҡарай башлайһың. Йәш саҡта нисектер үҙ яйы менән барған нәмәләргә хәҙер инде айырым ваҡыт бүлергә кәрәгә. Әйҙәгеҙ, тирене йәшәртер өсөн мөһим булған төп нәмәләргә иғтибар итеп китәйек.
1. Матурлыҡ буйынса ниндәй генә белгескә һорау бирһәң дә, һәр береһе, тирене тәрбиәләүҙәге төп ҡағиҙәләрҙең береһе – уны артыҡ ҡояш нурҙарынан һаҡлау, тип кәңәш итә. Ни өсөн тиһәң, ҡояш радиацияһы тире күҙәнәктәрендә әсеү (окисләнеү) процесы башланыуға сәбәпсе. “Иреккә сыҡҡан” радикалдар коллаген епсәләренә һөжүм итә, шуға ла тире һығылмалылығын тиҙ юғалта башлай. Ҡыш үтеп, яҙ ҡояшының тылсымлы тәүге нурҙары ағыла башлағас та, бит тиреһенә ошо нурҙарҙан һаҡлаған крем һөртөп йөрөргә кәрәк. Ҡояш йылыһы тамам һүрелгәнсе, яҡынса октябрь айына тиклем “күркәм йәш”тәге һәр ханымдың сумкаһында ошондай косметик сара ятырға тейеш.
2. С витамины – әсеү күренештәренә ҡаршы торған иң көслө матдәләрҙең береһе. Ретинол да көслө, тик уны ҡулланыу йәшкә бәйле тыйылған осраҡтар бар. С витамины иһә бындай ҡаршылыҡтарҙан азат. Ул тиренең иң төптәге ҡатламдарына барып етеп, коллаген етештереүҙе көсәйтә, шуға ла тире нығынып, тартылып китә. Был мөғжизәле витаминды гиалурон кислотаһы менән бергә ҡулланғанда бигерәк тә шәп һөҙөмтәләр бирә икән.
Шуға ла яратып һөрткән крем составында ошо ике матдә булғаны яҡшы. Кремдың гель рәүешендә булғаны иһә айырыуса шәп һанала. Ул еңел генә һеңә, витамин тиренең төпкө ҡатламына уҡ үтеп инә.
3. Даими таҙартып тороу. Тирене скрабтар ярҙамында аҙнаһына бер-ике тапҡыр таҙартып торорға кәрәк. Ул ҡатҡан тире өлөшсәләрен ҡырып, уны сафландыра, йомшарта, тимәк, кремдағы, башҡа төрлө косметик тәрбиә сараларындағы файҙалы матдәләрҙең үҙләштерелеүен еңеләйтә, тиҙләтә.
4. Тирене дымландырыу. Әйткәнебеҙсә, йәш арта барған һайын тире дымды күберәк юғалта. Шуға ла уға дымландырыусы кремдар һөртөп торорға кәрәк. Уларҙы инде тиренең ниндәй төргә (майлы, ҡоро, ҡатнаш) ҡарағанын белеп, ошоға ярашлы һайлау зарур.
5. Тирене “туйындырыу”. Ҡайһы бер ханымдар, бары тик ҡоро тирене генә файҙалы матдәләр менән “туйындырып” торор кәрәк, тип уйлап яңылыша. Бындай крем да һәр төрҙәге тирегә ныҡ файҙалы. Уны тик дөрөҫ итеп һайлап, “үҙеңдекен” табып алырға ғына кәрәк.
Мөһим кәңәш. Әгәр ҙә үҙегеҙгә тап килгән, яратып һөрткән крем составында витаминдар булмаһа, уны... өҫтәргә була. Мәҫәлән, капсула рәүешендәге Аевит витаминын һатып алып, уның бер бөртөгөн генә кремға ҡушаһың да бит тиреһенә яғаһың. Бындай ҡатнашманы йоҡларҙан ярты сәғәт алда һөртөү файҙалыраҡ.
