+21 °С
Болотло
Йәмғиәт
5 Март 2021, 15:45
“Тормошомдоң һәр мәле үҙенсәлекле, ҡәҙерле”
Мин башҡорт һылыуы Азалия Венер ҡыҙы Рамаҙанова булам. Ҡырмыҫҡалы районының Һәүәләй ауылында тыуып үҫтем. Үткән йыл Һәүәләй урта мәктәбен тамамланым. Бала саҡтан уҡ китаптар, гәзит-журналдар уҡырға яратам, донъялағы яңылыҡтар менән танышып барырға тырышам.
Мин башҡорт һылыуы Азалия Венер ҡыҙы Рамаҙанова булам. Ҡырмыҫҡалы районының Һәүәләй ауылында тыуып үҫтем. Үткән йыл Һәүәләй урта мәктәбен тамамланым. Бала саҡтан уҡ китаптар, гәзит-журналдар уҡырға яратам, донъялағы яңылыҡтар менән танышып барырға тырышам. Мәктәптә спорт менән актив шөғөлләндем. Волейбол, баскетбол, саңғы, йүгереү буйынса ярыштарҙа һәр ваҡыт алдынғылыҡты бирмәнек. “Табын һылыуы-2019” республика конкурсында, үҙ районымдың данын яҡлап, беренсе урын алдым.
Бөгөнгө көндә БДУ-ның Башҡорт филологияһы, шәрҡиәт һәм журналистика факультетында беренсе курста белем алам. Бында ла һынатмайым, уҡыуҙан тыш спорт менән шөғөлләнәм, бейеү түңәрәгенә йөрөйөм, ирекмән эшен алып барам. Университет кимәлендә үткәрелгән төрлө сараларҙа ҡатнашырға тырышам.
Беҙҙең бәйге дауам итә! Конкурста һынау тотор өсөн түбәндәге талаптарҙы үтәү мөһим: матур, сифатлы фотоһүрәтегеҙ менән бергә үҙегеҙҙең ҡайһы ҡала, район, төбәктә тыуып үҫеүегеҙ, яратҡан шөғөлөгөҙ, ҡаҙаныштарығыҙ тураһында хат яҙып ебәрегеҙ.
Беҙҙең электрон адрес: bashkortostan.gazeta@mail.ru
1-се турҙа һылыуҡайҙар үҙҙәре менән таныштыра. 2-се турға сығыусылар интернет киңлектәрендә тауыш йыясаҡ.
Финалға үтеүселәрҙе жюри ағзалары баһалаясаҡ. Интернет киңлектәрендә иң күп тауыш йыйған ҡыҙ “Интернет һылыуҡайы” номинацияһында билдәләнәсәк.
Конкурсҡа декабрь айында йомғаҡ яһаласаҡ һәм бәйгелә еңеүсе ҡыҙҙың фоторәсеме гәзит календарын биҙәйәсәк.
