+21 °С
Болотло
Йәмғиәт
19 Март 2021, 09:51
Тормош юлын матур үтәйек...
Алтын көҙҙөң ағастарынан алтын моң ағылғанда, ергә муллыҡ, йомартлыҡ килгәндә ғаиләлә тәүге бала булып донъяға ауаз һалғанмын. Атай-әсәйем мине яратып, Рәфилә тип исем ҡушҡан.
Алтын көҙҙөң ағастарынан алтын моң ағылғанда, ергә муллыҡ, йомартлыҡ килгәндә ғаиләлә тәүге бала булып донъяға ауаз һалғанмын. Атай-әсәйем мине яратып, Рәфилә тип исем ҡушҡан.
Мәктәп йылдарында теүәл фәндәрҙе үҙ иттем. Төрлө кимәлдәге конкурс, олимпиада, фәнни-ғәмәли конференцияларҙа әүҙем ҡатнаштым. Алдыма алған маҡсатыма хыянат итмәй, Сибай гимназия-интернатын яҡшы билдәләргә тамамлап, уҡыуымды Өфө дәүләт авиация техник университетында дауам итәм.
Күңелле студент йылдарымды бушҡа үткәрмәй, Бөтә Рәсәй студент отрядтары сафында йәйге практика үттем, Баймаҡ йәштәре берлегенең әүҙем ағзаһымын. Яҡташтарыбыҙ менән төрлө осрашыуҙар, спорт ярыштары ойошторабыҙ. Киләсәктә ҡуйған маҡсаттарыма өлгәшеп, тормош юлын матур үтергә теләйем.
Беҙҙең бәйге дауам итә! Конкурста һынау тотор өсөн түбәндәге талаптарҙы үтәү мөһим: матур, сифатлы фотоһүрәтегеҙ менән бергә үҙегеҙҙең ҡайһы ҡала, район, төбәктә тыуып үҫеүегеҙ, яратҡан шөғөлөгөҙ, ҡаҙаныштарығыҙ тураһында хат яҙып ебәрегеҙ. Беҙҙең электрон адрес: bashkortostan.gazeta@mail.ru
1-се турҙа һылыуҡайҙар үҙҙәре менән таныштыра. 2-се турға сығыусылар интернет киңлектәрендә тауыш йыясаҡ.
Финалға үтеүселәрҙе жюри ағзалары баһалаясаҡ. Интернет киңлектәрендә иң күп тауыш йыйған ҡыҙ “Интернет һылыуҡайы” номинацияһында билдәләнәсәк.
Конкурсҡа декабрь айында йомғаҡ яһаласаҡ һәм бәйгелә еңеүсе ҡыҙҙың фоторәсеме гәзит календарын биҙәйәсәк.
