+20 °С
Ямғыр
Йәмғиәт
29 Март 2021, 12:15
Октябрьский халҡы ирекмән булырға теләй
Тотош Рәсәйҙә төҙөкләндереү биләмәләре өсөн берҙәм онлайн-тауыш биреү ойошторола.
Октябрьский халҡы ҡаланы төҙөкләндереү проекттары өсөн дөйөм Рәсәй тауыш биреү сараһына булышлыҡ итеү йәһәтенән ирекмән булып әүҙем теркәлә. Әле 51 кеше ғариза яҙып та өлгөргән.
Ирекмәндәр уңайлы ҡала мөхите булдырыу мәсьәләләре буйынса халыҡҡа консультация үткәрә, za.gorodsreda.ru дөйөм федераль программаһында үҙеңә оҡшаған объектты төҙөкләндереү өсөн тауыш биреү алымдары тураһында һөйләй.
Тауыш биреүҙә 14 йәше тулған һәр Рәсәй гражданы ҡатнаша ала. Иң күп тауыш йыйған объекттар Рәсәй Президенты Владимир Путиндың май указы менән раҫланған “Торлаҡ һәм ҡала мөхите” милли проектының “Уңайлы ҡала мөхите булдырыу” федераль проектына ярашлы 2022 йылда төҙөкләндерелгән биләмәләр исемлегенә индерелә.
Онлайн-тауыш биреү мөмкин тиклем күберәк кешене йәлеп итеүгә булышлыҡ итәсәк. Ләкин бындай сервисты ҡайһы бер төбәктәр ғәмәлгә индерә алмай, шуға күрә быйыл тотош Рәсәйҙә төҙөкләндереү биләмәләре өсөн берҙәм онлайн-тауыш биреү ойошторола. Ул za.gorodsreda.ru махсус платформаһында 26 апрелдән 30 майға тиклем уҙғарыла.
Фото: oktadm.ru/news/detail.php?id=45909
