+21 °С
Болотло
Йәмғиәт
16 Апрель 2021, 07:00
Һыу китергә уйламай
Бөгөн иртәнге 9-ҙа ташҡынға бәйле хәл буйынса сираттағы брифинг үтте.
Бөгөн иртәнге 9-ҙа ташҡынға бәйле хәл буйынса сираттағы брифинг үтте. Ғәҙәттән тыш хәлдәр министрлығының Башҡортостан буйынса баш идаралығы начальнигы урынбаҫары Эдуард Иҙрисов ташҡынға бәйле хәл менән таныштырҙы.
“Башкиравтодор” ойошмаһының генераль директоры Илдар Юланов билдәләүенсә, әлеге мәлдә республиканың 9 районында юлдар ябыҡ. Мәҫәлән, Иглин ауылының көьяғынан юлдар ябылған. Юлды бөгөн таҙартып, кискә асырға тейештәр.
Брифингта билдәләнеүенсә, Ағиҙел йылғаһы 630 сантиметрға күтәрелһә, Өфө ҡалаһында тағы ла 89 йорт ихатаһын һыу баҫыуы ихтимал. Һыу баҫҡан зонала 252 кеше, шул иҫәптән 26 бала ҡалыуы бар. Бынан тыш тағы ла өс баҡсасылыҡ ширҡәте һыу аҫтында ҡалыуы ҡурҡынысы бар. Өфө ҡалаһының Нижегородка һәм Кооператив ялан биҫтәһендә йәшәүселәргә ошо көндәрҙә айырыуса иғтибарлы булырға кәрәк.
Брифинг барышында тура бәйләнешкә Белорет районы хакимиәте башлығы Андрей Иванюта сыҡты һәм райондағы хәл тураһында һөйләне. Быйыл Белоретта ташҡын көслө булды. Тәүҙә Асы ауылын һыу баҫһа, әлеге мәлдә Әүжән ауылы эргәһендә һыу күтәрелә башланы.
“Берҙәм Рәсәй” партияһының “Беҙҙең хәстәрлек” волонтерҙар үҙәге “Туҡта, ташҡын” тигән акцияны башлап ебәрҙе. Волонтерҙарға күпме кеше мөрәжәғәт итә? Ниндәй эштәр атҡарыла? Был хаҡта “Беҙҙең хәстәрлек” волонтерҙар үҙәге координаторы Александр Толстых һөйләне.
Ғәҙәттән тыш хәлдәр министрлығынан иҫкәртеүҙәренсә, алда – 15 апрелдән 3 майға тиклем тағы ла көслө ташҡын көтөлә.
Ташҡын ваҡытында ярҙамға мохтаждар түбәндәге телефондар аша мөрәжәғәт итә ала:
“Беҙҙең хәстәрлек”
проектының колл-үҙәгенә –
8-800-201-89-03;
Ҡотҡарыу хеҙмәтенә – 112;
“Роспотребнадзор”ҙың
ташҡын буйынса “ҡыҙыу бәйләнеше”нә:
8-800-700-90-30.
фото: https://02.mchs.gov.ru/deyatelnost/press-centr/novosti/4436227
