+21 °С
Болотло
Йәмғиәт
29 Апрель 2021, 17:15
Криптобиокабина сәнәғәт файҙаланыуына тапшырылды
Ун йылға иҫәпләнгән сит ил биеметрик паспорттарын рәсмиләштереү процесы буйынса матбуғат конференцияһы булды.
Өфөләге Күп функциялы үҙәктең Яңы күпер урамындағы 8-се йортта урынлашҡан үҙәк офисында “Криптобиокабина” программа-техника комплексын файҙаланып, ун йылға иҫәпләнгән сит ил биеметрик паспорттарын рәсмиләштереү процесы буйынса матбуғат конференцияһы булды.
"Ойоштороусыларыбыҙ - Хөкүмәт Аппараты, Күп функциялы үҙәк, республика буйынса Эске эштәр министрлығы һәм “Ростелеком” йәмғиәте менән берлектәге ойоштороу-әҙерләү эше һөҙөмтәһендә, Башҡортостан беренсе пилот төбәктәре иҫәбендә криптобиокабинаны сәнәғәт файҙаланыуына тапшырҙы", - тип белдерҙе “Күп функциялы үҙәк” республика дәүләт автономиялы ойошмаһы директоры Наталья Куприянова.
“Криптобиокабин” программа-техника комплексы – граждандың ышаныслы криптографик яҡлау булған биометрик мәғлүмәттәрҙе биреүе өсөн һанлы ҡарар. Кабина һанлы фото камераһы, күләгәһеҙ яҡтылыҡ, бармаҡ эҙҙәре һәм документтар сканерҙары менән йыһазландырылған. Ғариза яҙғандарҙы документтар тапшырыуы һәм уларҙы әҙерләнгәндән һуң алыуы өсөн алдан яҙыу алып барыла.
Был сарала шулай уҡ республика буйынса Эске эштәр министрлығының Миграция мәсьәләләре буйынса идаралығы етәксеһе урынбаҫары Гүзәл Байморатова, “Башинформсвязь” йәмғиәте генераль директоры Сергей Нищев ҡатнашты.
Документтар теҙмәһе менән “Күп функциялы үҙәк” республика дәүләт автономиялы ойошмаһы рәсми сайтының “Хеҙмәттәр каталогы” бүлегендә танышырға мөмкин: https://mfcrb.ru/?page_id=74&ffil=f71001&fview=cat. Өҫтәмә мәғлүмәттәрҙе Контакт-үҙәктең +7 (347) 246-55-33/+7 (927) 3333 100 телефоны буйынса алырға була.
Фото: pravitelstvorb.ru
