+21 °С
Болотло
Йәмғиәт
7 Май 2021, 06:58
“Төп маҡсатым – шәхес булараҡ үҫеү”
“Башҡортостан гүзәле” конкурсының сираттағы ҡатнашыусыһы – Миләүшә БАЙҒОЛОВА.
“Башҡортостан гүзәле” конкурсының сираттағы ҡатнашыусыһы – Миләүшә БАЙҒОЛОВА.
Ул 1996 йылдың 5 ноябрендә Сибай ҡалаһында донъяға килә.
Өфө ҡалаһының Заһир Исмәғилев исемендәге сәнғәт институтының хореография бүлеген тамамлай.
Миләүшә әлеге көндә хореграф булып эшләй. “Эдельвейс” бейеү ансамбле менән Халыҡ-ара, Бөтә Рәсәй, ҡала бәйгеләрендә лауреат исемдәренә лайыҡ була.
“Үҙем күптән хыял иткән “Байыҡ” республика бәйгеһендә ҡатнашып 1-се турҙы уңышлы үттем.
Төп эшемдән тыш “Йәш яҡташтар ассоциацияһында” сәнғәт бүлеге етәксеһе эшен башҡарам. Беҙ бергәләшеп төрлө саралар, форумдар үткәрәбеҙ. Әлеге көндә “Гитара battle” башҡорт йырҙарын гитарала башҡарыу буйынса бәйге үткәрергә әҙерләнәбеҙ”, – ти ҡыҙ үҙе.
Миләүшәнең маҡсаты – үҙе өҫтөндә эшләү, күп уҡыу, мәҙәниәтле булыу, ғөмүмән, шәхес булараҡ үҫеү. Быға уның БДУ-лағы “Философия һәм Социология” факультетында белем алыуы ла булышлыҡ итә.
Беҙҙең бәйге дауам итә! Конкурста һынау тотор өсөн түбәндәге талаптарҙы үтәү мөһим: матур, сифатлы фотоһүрәтегеҙ менән бергә үҙегеҙҙең ҡайһы ҡала, район, төбәктә тыуып үҫеүегеҙ, яратҡан шөғөлөгөҙ, ҡаҙаныштарығыҙ тураһында хат яҙып ебәрегеҙ. Беҙҙең электрон адрес:
1-се турҙа һылыуҡайҙар үҙҙәре менән таныштыра. 2-се турға сығыусылар интернет киңлектәрендә тауыш йыясаҡ.
Финалға үтеүселәрҙе жюри ағзалары баһалаясаҡ. Интернет киңлектәрендә иң күп тауыш йыйған ҡыҙ “Интернет һылыуҡайы” номинацияһында билдәләнәсәк.
Конкурсҡа декабрь айында йомғаҡ яһаласаҡ һәм бәйгелә еңеүсе ҡыҙҙың фоторәсеме гәзит календарын биҙәйәсәк.
