+24 °С
Ямғыр
Йәмғиәт
12 Май 2021, 06:57
Һәр ғәмәлде ваҡытында атҡарыу фарыз
Оло йәштәмен. Баш ҡалала фатирҙа йәшәйем. Күсемһеҙ милекте туғаныма ҡалдырыу өсөн васыятнамә яҙғым килә. Ошо хаҡта аңлатһағыҙ ине.
Оло йәштәмен. Баш ҡалала фатирҙа йәшәйем. Күсемһеҙ милекте туғаныма ҡалдырыу өсөн васыятнамә яҙғым килә. Ошо хаҡта аңлатһағыҙ ине.
Ф. МОРАТОВА.
– Илебеҙҙә иҫән саҡта васыятнамә яҙҙырып ҡалдырыусылар һирәк, сөнки үҙенең вафатынан һуң нимә булырын артыҡ уйлап бармайҙар. Был уй-ниәтегеҙ яҡшы, сөнки һәр ғәмәлде ваҡытында атҡарыу фарыз.
Һеҙҙең осраҡҡа килгәндә, был документтың иҫән сағығыҙҙа яҙылып ҡуйыуы, әлбиттә, яҡшы. Әммә шуны хәтерҙән сығарырға ярамай: мираҫҡа бәйле суд эштәре күп. Шуға васыятнамәне дөрөҫ яҙыу һәм нотариуста теркәтеү зарур.
Ә закондарға күҙ һалһаҡ, фатир хужаһы яҡты донъя менән хушлашҡан осраҡта ярты йыл эсендә мираҫты ҡабул итеү өсөн нотариаль контораға мөрәжәғәт итергә кәрәк, унда ғариза яҙырға тейеш булаһығыҙ.
