Һеҙҙең яҡта бармы әйселәү?

Йорт хужабикәләре алдан уҡ әйселәүселәргә тәмле-татлы ризыҡтар һатып алып әҙерләп ҡуя. Балалар өйҙән-өйгә йөрөп әйселәп, өй хужаларына рәхмәт әйтеп сыға. Йылайыр районында был йола электән килә. Бөгөн дә балалар әйселәп йөрөгән, был хаҡта "Ауыл уттары" гәзите хәбәр итә. Ә һеҙҙең яҡтарҙа бындай йола бармы?

Әйткәндәй, Ураҙа байрамында Йылайыр районы үҙәгендә балалар өсөн спорт байрамы ойошторолған. Кескәйҙәр төрлө уйындарҙа ҡатнашҡан, йыйған мәрәйҙәре һанына ҡарап, бүләктәр алған. Ата-әсә ойоштороусыларға ысын күңелдән рәхмәт һүҙҙәрен еткергән.

Фото: "Ауыл уттары" сайты.