+21 °С
Болотло
Йәмғиәт
13 Май 2021, 09:00
Әйҙә, фото төшөргә!
Өфөлә "сакура" сәскә атҡан.
Йәмле май айҙары етһә, баш ҡалабыҙ Өфөлә фотоға төшөр өсөн тағы бер матур урын өҫтәлә. Тап ошо мәлдә ҡалала урындағы "сакура" сәскә ата. Эйе, япон ағасы беҙҙә үҫмәй, әммә урындағы халыҡ алһыу төҫтә сәскә атҡан алмағасты оҡшашлығы арҡаһында шулай атарға күнеккән.
Был ағастарҙың күпселеге Зәки Вәлиди урамындағы Ленин исемендәге паркта урынлашҡан. Урындағы халыҡ әйтеүенсә, был ағастар ҡаланың башҡа урындарында ла үҫә.
Яҙ менән матур йола буйынса өфөләр был паркка фото төшөргә һәм матур ағастар менән һоҡланырға бара. Тик ошондай ниәтегеҙ булһа, оҙаҡҡа һуҙмағыҙ, был ағастар ни бары бер аҙна ғына сәскәгә төрөнөп ултыра. Күп тә тормай улар ҡойола башлаясаҡ.
Бөгөнгө изге байрамда ғаиләгеҙ менән паркка барып, фотоға төшөргә өлгөрөгөҙ. Һауа торошо ла бының өсөн бик матур. Ғаилә ялы йәмле үтһен.
