+21 °С
Болотло
Йәмғиәт
14 Май 2021, 05:29
Бөтәбеҙгә бер Ер шары...
Үткән аҙнала донъяла коронавирус инфекцияһынан 90 меңдән ашыу ауырыу вафат булды һәм сирҙе 5,4 миллион кеше йоҡторҙо. Был хаҡта Женевалағы брифингта Бөтә донъя һаулыҡ һаҡлау ойошмаһының генераль директоры Тедрос Аданом Гебрейесус белдерҙе.
Үткән аҙнала донъяла коронавирус инфекцияһынан 90 меңдән ашыу ауырыу вафат булды һәм сирҙе 5,4 миллион кеше йоҡторҙо. Был хаҡта Женевалағы брифингта Бөтә донъя һаулыҡ һаҡлау ойошмаһының генераль директоры Тедрос Аданом Гебрейесус белдерҙе.
Генераль директорҙың һүҙҙәренә ҡарағанда, әле коронавирус ныҡ ҡоторған Европала, Төньяҡ һәм Көньяҡ Америкала сир һәм үлем осраҡтары кәмеүгә бара. Шул уҡ ваҡытта Азияның көньяҡ-көнсығыш биләмәһендә сирлеләр ныҡ арта һәм үлем осраҡтары юғары кимәлдә. Был төбәктәр рәтенә ул Һиндостанды ла индерҙе. Ойошма етәксеһе әйтеүенсә, санитария талаптарының йомшартылыуы һәм вакцинациялауҙың тигеҙ бармауы һөҙөмтәһендә донъяла инфекция тарала. Санитария сараларының йомшарыуы һәм “тигеҙһеҙ вакцинация” был хәлде көсәйтәсәк. Ул ил лидерҙарын ҡулдан килгәндең, мөмкин булғандың барыһын да эшләргә саҡырҙы. “Был бөгөн сир һәм үлем осраҡтары кәмегән дәүләттәргә ҡағыла”, – тине ул. Коронавирус инфекцияһының төрлө штамдары таралыуына әҙер торорға кәрәклеген белдереп, уларға ҡаршы вакциналарҙың көсһөҙлөгөн билдәләне.
Әллә ҡайҙа ятҡан илдәрҙәге хәлдең дә беҙгә йоғонто яһауы көн кеүек асыҡ. Вирус өсөн сиктәр ҙә, ҡапҡалар ҙа юҡ. Быны республикабыҙға килеп ингән Британия штаммы миҫалында ла асыҡ күрәбеҙ.
Генераль директор телгә алған төп ҡоралдарҙың береһе – вакцинация. Бәхеткә күрә, беҙҙә ул мөмкинлек бар, үҙегеҙҙе һәм яҡындарығыҙҙы һаҡларға теләйһегеҙ икән, прививка яһатыуҙы оҙаҡҡа һуҙмағыҙ.
