Ғаризалар алыу дауам итә

Фонд директоры Люциә Юлыева “Башинформ” мәғлүмәт агентлығында үткәрелгән осрашыуҙа белдереүенсә, республиканың гражданлыҡ институттары үҫешендә ҡатнашҡан һәм социаль тәғәйенләнешле проекттарҙы тормошҡа ашырған коммерцияға ҡарамаған ойошмалар туғыҙ йүнәлеш буйынса конкурсҡа заявка бирә ала.

Был йүнәлештәр:

*социаль хеҙмәтләндереү, айырым категория граждандарҙы яҡлау;

*ғаиләгә, әсәлеккә, атайлыҡҡа һәм балалыҡҡа ярҙам итеү,

*йәштәр сәйәсәте;

*граждандар хоҡуҡтарын яҡлау, гражданлыҡ йәмғиәте институттарына ярҙам итеү;

*сәләмәтлекте һаҡлау, сәләмәт тормош алып барыуҙы пропагандалау, физик культура һәм спорт;

*фән, мәғариф;

*тирә-яҡ мөхитте һаҡлау, йәшәүгә уңайлы мөхит булдырыу, хайуандарҙы яҡлау, милләт-ара, дин-ара килешеүҙе булдырыу;

*мәҙәниәт, сәнғәт, тарихи хәтерҙе һаҡлау.

Конкурстың бюджеты – 164850668 һум. Ғаризаны grant.bashkortostan.ru сайты аша 15 июнгә тиклем тапшырырға кәрәк.

Гранттарҙы биреү тәртибе үҙгәргән. Ғаризаларҙы тапшырыу ваҡыты 20-нән 30 көнгә тиклем артҡан. Ошо һәм башҡа һорауҙар буйынса мөрәжәғәт итеү өсөн телефон: 8-903-311-69-37 (проекттарҙы тормошҡа ашырыу һәм булышлыҡ итеү бүлеге), 8-967-453-92-72 (финанс-ойоштороу бүлеге).

Фото: "Башинформ".