+21 °С
Болотло
Йәмғиәт
30 Май 2021, 06:00
Киске сәғәт 8-гә тиклем барасаҡ
Башҡортостанда бөгөн иртәнге сәғәт 10-ға тиклем “Берҙәм Рәсәй”ҙең алдан тауыш биреүендә 117 961 кеше электрон юл менән тауыш бирҙе.
Башҡортостанда 30 майҙа иртәнге сәғәт 10-ға тиклем “Берҙәм Рәсәй”ҙең алдан тауыш биреүендә 117 961 кеше электрон юл менән тауыш бирҙе.
Бөтәһе pg.er.ru сайтында республиканан 165 018 кеше теркәлгән. Һайлаусыларҙың теркәү үтеүе 28 майҙа тамамланғайны, ә тауыш биреү бөгөн 20.00 сәғәткә тиклем дауам итә.
Хәтерегеҙгә төшөрәбеҙ: Башҡортостанда “Берҙәм Рәсәй” партияһынан кандидаттар һайлап алыу буйынса алдан тауыш биреү бара, артабан улар Дәүләт Думаһына, Өфө ҡалаһы Советына һәм ике һайлау округы буйынса Башҡортостандың Дәүләт Йыйылышы - Ҡоролтайына һайлауҙарҙа тәҡдим ителәсәк.
Кемдәр pg.er.ru сайтында теркәлеп өлгөргән, электрон тауыш биреүҙә лә ҡатнаша ала. Бының өсөн сайттағы «Хочу проголосовать» төймәһенә баҫырға, “Дәүләт хеҙмәте” порталында авторлаштырыу үтергә кәрәк. Тауышты “Бюллетени” бүлегендә бирергә мөмкин. Шулай уҡ бөгөн йәшәгән урын буйынса һайлау участкаһына үҙеңә килеп тауыш бирергә лә була.
Фото: bashkortostan.tr.ru сайты.
