Әнүәр Абдрафиҡовты тыуған көнө менән ҡотлайбыҙ!

Бөгөн Стәрлетамаҡ районы хакимиәте башлығы, ауыл хужалығы фәндәре докторы Әнүәр Абдрафиҡовтың тыуған көнө!

Форсаттан файҙаланып, Рәсәйҙең атҡаҙанған ауыл хужалығы хеҙмәткәре, Салауат Юлаев Ордены кавалеры Әнүәр Рәүил улын күркәм байрамы менән ҡотлайбыҙ, тынғыһыҙ эшендә уңыштар теләйбеҙ!

Тиҙҙән ҡыҙ һәм малайҙар уҡырға барасаҡ. Шул уңайҙан Әнүәр Абдрафиҡов “Бәйләнештә” селтәрендә былай тигән:

– Яңы уҡыу йылы башланырға ла күп ҡалманы. Район буйынса белем усаҡтарын ҡабул итеү бара, йәки яңы уҡыу йылына һәр береһенең әҙерлеген тикшерәбеҙ. Бөтә ерҙә лә ремонт эштәре башҡарылған, мәктәп һәм балалар баҡсалары кәрәк-яраҡ менән йыһазландырылған. Айырым иғтибарҙы аш-һыу блогына йүнәлттек.

Фото: Әнүәр Абдрафиҡовтың “Бәйләнештә”ге сәхифәһенән.