“Донъя кешеһе булыу”

Гөлнур ҠЫУАНДЫҠОВА 1996 йылдың 24 ғинуарында Сибай ҡалаһында тыуған. Өфөләге Рәми Ғарипов исемендәге 1-се башҡорт республика гимназия-интернатынан һуң Мәскәү авиация университетын тамамлап, әлеге мәлдә Башҡорт дәүләт университеты магистратураһында белемен камиллаштыра.

 Сибайҙа тыуһа ла, бала саҡ йылдары Өфөлә үтә ҡыҙҙың. Гөлнур бәләкәйҙән “Тамыр” балалар вокал студияһында шөғөлләнә, уның составында Төркиәлә халыҡ-ара конкурста ҡатнаша. Мәктәп йылдарында ҡала, республика кимәлендәге конкурстарҙа еңеү яулай. Башҡортостандың Мәғариф министрлығы тарафынан булдырылған “Беҙ – Башҡортостан­дың киләсәге!” лидерҙар ойошмаһында алдынғылар рәтендә йөрөй.

Илебеҙҙең баш ҡалаһында университетта уҡығанында Гөлнур, “Мәскәү һылыуҡайы” матурлыҡ конкурсында ҡатнашып, 3-сө урынға лайыҡ булды.

“Ҙур хыялдар менән йәшәргә кәрәк. Тамсы тама-тама ташты яра – мөкиббән бирелгәндә, һис шикһеҙ, маҡсатыңа өлгәшәсәкһең, күңелеңдең сафлығын һаҡлап ҡалыр өсөн дә бар ишектәр асылыр”, – ти Гөлнур үҙенең был тормошҡа ҡарашы тураһында.

“Ниндәй хыялың бар?” тигән һорауға ул: “Донъя кешеһе булыу”, – тип яуапланы.

Беҙҙең бәйге дауам итә! Конкурста һынау тотор өсөн түбән­дәге талап­тарҙы үтәү мөһим: матур, сифатлы фото­һүрә­тегеҙ менән бергә үҙегеҙ­ҙең ҡайһы ҡала, район, төбәктә тыуып үҫе­үегеҙ, ярат­ҡан шөғө­лөгөҙ, ҡаҙа­ныш­тарығыҙ тура­һында хат яҙып ебәрегеҙ. Беҙҙең электрон адрес: bashkortostan.gazeta@mail.ru

1-се турҙа һылыуҡайҙар үҙҙәре менән таныштыра.   2-се турға сығыу­сылар интернет киңлек­тәрендә тауыш йыясаҡ.

Финалға үтеүселәрҙе жюри ағза­лары баһалаясаҡ. Интернет киңлек­тәрендә иң күп тауыш йыйған ҡыҙ “Интернет һылыу­ҡайы” номи­нация­һын­да билдә­ләнәсәк.

Конкурсҡа декабрь айында йомғаҡ яһаласаҡ һәм бәйгелә еңеүсе ҡыҙҙың фоторәсеме гәзит календарын биҙә­йәсәк.

- Рубриканы Айгөл ЙӘМИЛЕВА алып бара.