Бөтә яңылыҡтар
Йәмғиәт
13 Сентябрь , 21:00

Ҡәбер янында үҙенең дә ғүмерен өҙә...

Оло йәштәге ир өйҙәш ҡатын менән низағлашып китә һәм уға мылтыҡ менән янай башлай. Һөҙөмтәлә...

Ҡәбер янында үҙенең дә ғүмерен өҙә...

Ейәнсура районында фажиғәле хәл теркәлә. Сәбәбе – көнләшеү, тиҙәр.

“Ейәнсура таңдары” баҫмаһы хәбәр итеүенсә, оло йәштәге ир өйҙәш ҡатын менән низағлашып китә һәм уға мылтыҡ менән янай башлай. Тауышты ишетеп, күрше-тирәһе, ауыл биләмәһе хакимиәте етәксеһе килә. Башлыҡ элекке участка оперуполномоченныйы була һәм был осраҡта янъялсы менән һөҙөмтәле һөйләшеп-килешә ала.

Мылтыҡлы ир берәүгә лә зыян килтермәй. Әммә зыяратҡа барып, ҡатынының һәм ҡыҙының ҡәберҙәре янында үҙ-үҙен атып үлтерә.

Хәл буйынса тикшереү бара, фажиғәгә килтергән сәбәптәр асыҡлана.

Фото: www.pwlcapital.com

 

Автор:Гульдар Булякбаева-Бирганова