Өфө халҡы “Рәхмәт” ала

“Рәхмәт” акцияһы Өфөлә өсөнсө тапҡыр үткәрелә. Үҙенсәлеге шунда: ул тик һайлау көндәрендә уҙғарыла. Тауыш бирергә килгән граждандар һайлау участкаһында төрлө ташламаларға хоҡуҡ биргән махсус беләҙек ала.

Өфөлә был акцияла 300-ҙән ашыу ойошма ҡатнаша. Улар араһында автомобилдәр өсөн оҫтаханалар, дарыуханалар, оптика үҙәктәре, магазиндар, матурлыҡ салондары, музейҙар, күңел асыу парктары бар. Тулы исемлек менән махсус сайтта танышырға мөмкин: https://рахмат102.рф/.

Ташламалар ике проценттан алып 100 процентҡаса. Беләҙек менән файҙаланыу шарттары ла төрлөсә: кемдер йыл аҙағына тиклем ташлама тәҡдим итә, икенселәр бүләктәр әҙерләгән.

Ойоштороусылар шул хаҡта иҫкәртә: беләҙек алыу өсөн һайлау участкаһына тәғәйен сәғәттәрҙә килергә кәрәк. Өфө ҡалаһында улар бөгөн, 17 сентябрҙә, 20.00 сәғәткә тиклем бирелде, 18-19 сентябрҙә иһә - 08.00 – 14.00 сәғәттәрҙә. Беләҙектәр һаны сикле.

Фото: Өфө ҡалаһы хакимиәте.