Хәҡиҡәт фекер алышыуҙа асыла

“Ҡағыҙ матбуғат сараларына ун йыл йәшәргә ҡалды... Юҡ, ике йыл – унан да күберәк түгел. Пандемия беҙгә барыһын да аңлатты”...

Матбуғат баҫмалары лидерҙары Павел Гусевтың, Владимир Сунгоркиндың, Игорь Черняктың был күҙаллауы Заманса журналистика форумына тотош Рәсәйҙең барлыҡ төбәктәренән килгән 800 вәкилгә оптимизм өҫтәмәне. Шул уҡ ваҡытта “МК”-ның интернеттағы версияһы килемдең 70 процентын бирһә, “АиФ”-тыҡы әлегә – кире пропорция.

"Йәшәргә тырышырға ғына түгел, йәшәргә мөмкин, - тине ышаныслы итеп Тацинскиҙың “Район хәбәрҙәре” баш мөхәррире Наталья Игнатова. – Уҡыусыға бил аҫтынан түгел, башынан юғары эшләргә кәрәк, шул уҡ ваҡытта уның ишетергә, уҡырға теләге булһын. Халҡы 30 мең булған районда һәр бишенсе – беҙгә яҙылыусы. Гәзит, сайт, ютуб – барыһы ла беҙ. Уға ун йылдан ашыу инде. Социаль йәһәттән һиҙелерлек ярҙам биргән гранттар алабыҙ. Мәскәүҙә йәшәп, башҡаларҙы ерләүе еңелерәк. Сайтыбыҙҙы Рәсәйҙәге генә түгел, сит илдәрҙәге яҡташтарыбыҙ ҙа уҡый. PDF-та яңы биттәргә яҙылыу социаль селтәрҙәге “Классташтар”ҙан күпкә отошлораҡ”.

Шул уҡ ваҡытта башҡа фекер алышыу майҙансыҡтарында блогерҙар, визуалдар донъя менән идара итә, ә ғәҙәттәге киң мәғлүмәт сараларының, ҡыҙғанысҡа ҡаршы, ваҡыты үтте, тине. "Аудиторияны үҙеңә ылыҡтырырға кәрәкмәй, уға, “баҫмалар ваҡыты”на ҡарамай, яраҡлашырға кәрәк. Улар меңәрләгән лайк йыйған Тик-ток роликтарын алҡышлай. Мин улай эшләй алмайым. Мәғлүмәткә эйә булған түгел, ә аныҡ һәм аҙаҡҡы мәғлүмәткә эйә булған кеше донъя менән идара итә. Унда оранға ҡарағанда мәғәнә тантана итә. Тик мәңгелек ҡиммәттәр хаҡындағы бәхәсһеҙ телмәр түгел, социаль селтәрҙәге киң мәғлүмәт саралары буйынса шәп әңгәмәләр көслө хистәр тыуҙыра", - тине Наталья Игнатова. Тема буйынса тәғәйенләнгән мэтрҙар - Дмитрий Шелухин, Анастасия Чубоксарова, Юғары иҡтисад мәктәбенән Дмитрий Бескромный, Беренсе каналдан Кристина Спирина, Виталий Лейбин ("Репортер" журналы) залды “Социаль селтәрҙәр кәйеф-сара ҡороу түгел, аҡса эшләүгә илһамландырыу өсөн ҡоролған. Ошоно аңламаһағыҙ, уйындан сығаһығыҙ”, - тине. Уйындан берәү ҙә сыҡманы.

Әңгәмәне “Башинформ” мәғлүмәт агентлығы баш мөхәррире Руслан Шәрәфетдинов икенсе форматҡа борҙо. Уны тотош зал хупланы. "Мин – төбәктәге ҙур агентлыҡтың баш мөхәррире. Алдымда – һайлау. “Радиошансон” һәм “Кинотавр” араһында бының өсөн йыйылманыҡ. Беҙ һәр ерҙә эшләйбеҙ. Телеграмм берҙән-бер уйлаған платформа булып ҡалды. Фейсбук таҫманы стерилләй. Королдәр – Тик-ток һәм Инстаграм. Әгәр һин унда юҡһың икән, тормош та юҡ", - тине ул.

- Социаль селтәрҙән берәү ҙә сайтҡа күсмәй. Яңы медиа барлыҡҡа килә, уларҙы, сайттарҙан күсереп алмайынса, яңы текстар яҙып, алға этәрергә кәрәк.        

- Социаль селтәрҙәрҙә журналист үҙ фекерен әйтә. Үҙенекен? Агентлыҡтың? Әгәр фекер ойоштороусының фекеренә ҡаршы килһә? Һәр баш мөхәррир бының менән осрашҡан.        

- Мин – бәләкәй генә район баҫмаһынан. Беҙҙә некрологтар – сайтта аҡса эшләүҙең иң һөҙөмтәле ысулы. Быны селтәрҙә нисек тарата алам? Нисек унда лайк ҡуйырға?

- Агрессив хайп осоронда абруйҙы нисек һаҡлап алып ҡалырға?

Бына ошо ваҡытта ысын бәхәс, шул иҫәптән социаль медиала үҙ киң мәғлүмәт сараңды таратыу өсөн 100 мең һум аҡсаны нисек һөҙөмтәле таратырға тигән фекерҙәр башланды (дискуссияны Домжур сайтында ҡарарға мөмкин).

“Ниңә иҫке киң мәғлүмәт саралары үҙҙәренә ҡәбер ҡаҙый?” тигән темаға ла һөйләшеү ҡыҙыу булды. “Ниңә ҡәбер ҡаҙый һуң..?” – ти “Амурская правда” гәзитенең яңы ғына “ТЭФИ-Мультимедиа”һын алған баш мөхәррире Лена Павлова һәм Владимир Мамонтовтың фекере менән килешмәй.

...Минскиҙан форумға сит ил эштәре министры Сергей Лавров килгәйне. Ул ике сәғәт буйы барлыҡ һорауҙарға бер кем тарафынан да регламентацияланмаған яуап бирҙе.

Фото һәм текст: RG.RU. Автор - Ядвига Юферова.