Быйыл Башҡортостанда һайлауға килгәндәр иҫәбе Рәсәй буйынса уртаса һандарҙан байтаҡҡа юғары булды. Һәр ваҡыттағыса, республика райондарында йәшәгәндәр юғары әүҙемлек күрһәтте.
Был йәһәттән алдынғылыҡ - Салауат районында, һайлауға барғандар һаны - 96,5 процент. Ундағы халыҡтың 88 проценты башҡорттар һәм татарҙар булыуын иҫәптә тотоп, шуны әйтергә була: мосолмандар әүҙем гражданлыҡ позицияһы күрһәткән.
Башҡортостан мосолмандары Диниә назараты рәйесе мөфтөй Айнур хәҙрәт Бирғәлин республика мосолмандарына рәхмәт әйтте.
"Беҙҙең төп принциптарыбыҙҙың береһе – яҡшы эштәргә булышлыҡ итеү. Шул иҫәптән илгә, йәмғиәткә файҙа килтерә алырлыҡ кандидаттарға ярҙам итеү менән. Мосолман ҡәрҙәштәребеҙ, һеҙ юғары гражданлыҡ әүҙемлеге өлгөһөн күрһәттегеҙ", – тине Айнур Бирғәлин.
Мөфтөй белдереүенсә, Башҡортостан мосолмандары ауыр пандемия осоронда ла, республиканың көньяғында янғындарҙы һүндергән саҡта ла әүҙем гражданлыҡ позицияһында тороуын дәлилләне.
Фото: Инстаграм.