Балдаҡ һайлайбыҙ

Тормош ҡорорға йыйынған йәштәргә Никах һарайына аяҡ баҫҡансы әллә күпме мәшәҡәтте башҡарырға, мәсьәләләрҙе хәл итергә тура килә. Шатлыҡлы ваҡиға алдынан парҙарға йәрәшеү билдәһе булған никах балдаҡтары һайлап алырға тура килә. Тик был эш тә еңел түгел...

Тәүҙә ниндәй металдан эшләнгән балдаҡ алырға теләйһегеҙ – асыҡлағыҙ: һары, ҡыҙыл йәки аҡ алтындан яһалғанын теләйһегеҙме, көмөш, платина йәки башҡа иретмәнән булғанынмы? Нин­дәй киңлектәгеһе кәрәк? Әгәр ҡашлы балдаҡ йәки грави­ровкалыһын, һырлап эшлән­гән һүрәтлеһен һайларға теләһәгеҙ, уны даими кейәсә­гегеҙҙе онотмағыҙ! Затлы матур балдаҡтарҙың тиҙ бысраныуы уларҙы йәмһеҙләй. 

Ювелир магазинына кис барыу яйлыраҡ, сөнки көн аҙағында ҡулдар көсөр­гәнештән һәм шыйыҡлыҡ эсеүҙән бер аҙ шешенә, шуға күрә был мәлдә үлсәмен дөрөҫөрәк билдәләрһегеҙ. Балдаҡ бармаҡтарҙы ҡыҫыр­ға ла, шулай уҡ бушаҡ та бу­лырға тейеш түгел. Бармаҡ­тар миҙгелгә ҡарап та ҡа­лынлығын үҙгәртә. Һалҡында улар нәҙегәйә, спорт менән шөғөлләнгәндән һәм мунса ингәндән һуң – ҡалыная. Балдаҡтың пробаһына иғти­бар итегеҙ. Ул ни тиклем юғарыраҡ, әйберҙең хаҡы ла шунса ҡиммәтерәк. 585 пробалы балдаҡ иң нығы, төҫөн юғалтмай. 750 пробалы балдаҡ­тар ялтырауығыраҡ бул­һа ла, формаһы тиҙ үҙгәрә. Ҡиммәтле биҙәүестең күңелегеҙгә ятҡанын, оҡша­ғанын һайлағыҙ, бәхетле булығыҙ!

- Динә АРЫҪЛАНОВА