Еңгәм өйрәтте...

Хәҙисә еңгәмдең бәлештәре, бәрәмәстәре телеңде йоторлоҡ тәмле була.

Әхирәттәре, күрше-күләне, һеңлекәштәре менән рәхәтләнеп аш-һыу серҙәрен уртаҡлаша торған ғәҙәте лә бар. Ҡайһы бер кәңәштәрен һеҙҙең ҡарамаҡҡа тәҡдим итмәксебеҙ, бәлки, аш-һыу әҙерләгәндә кәрәге тейер.

Ҡамырға һыуҙа иретелгән бәрәңге крахмалын һал­һа­ғыҙ, ҡалас һәм бәлештәрегеҙ мамыҡтай ҡабарып торор. Бәлеш тәмле булһын өсөн төп шарт – ҡамырҙың яҡшы ҡабарыуы. Бының өсөн ондо ялҡауланмай иләргә кәрәк. Беренсенән, уға осраҡлы эләккән ҡатнашмаларҙан ҡотолорһоғоҙ, икенсенән, он кислородҡа байыр.

Бәлеш, ҡоймаҡ һәм икмәк ҡамырын әҙерләгәндә һыуҙа болғатылған ике-өс ҡалаҡ манный ярмаһын өҫтәп тә ебәрһәгеҙ, икмәгегеҙ кипмәй оҙаҡ торор, ҡабарынҡы булыр. Ҡамыр менән булыш­ҡанда кухняла ел уйнап тормаһын, бәлештең өҫтө ҡатынҡы булып бешеүе бар. Эслеге өсөн әҙерләнгән аҙыҡ йылы бүлмә температу­раһында булһын, юғиһә ҡамырҙың күтәрелеүенә ҡамасаулаясаҡ.

Ҡамырҙы баҫҡанда ҡул­дарығыҙ ҡоро булһын. Бә­леште мейескә ҡуйыр алдынан 15-20 минут көтөп тороғоҙ. Ваҡытынан алда ҡуйырға ашыҡһағыҙ, ҡамыр күтәрелеп өлгөрмәҫ, оҙа­ғыраҡ бешер. Ҡамырға аҡ майҙы иретмәйенсә, ваҡла­ған көйө һалығыҙ, сөнки иретелгән май ҡамырҙың структураһын боҙа, тип өйрәтә ул. “Һөткә баҫылған ҡамырҙан әҙерләнгән бәлеш тәмлерәк була, хуш еҫ аңҡып тора, өҫтө матур булып бе­шә. Ә бына шәкәрҙе әсе ҡа­мырға самаламай күберәк һалһағыҙ, бәлештең өҫтө тиҙ “алланыр”, хатта янып сы­ғыуы ла ихтимал, өҫтә­үе­нә ул тейешенсә ҡа­бармаҫ.

Ҡамырҙа һыу ни тиклем әҙерәк, ә май күберәк, бәлеш шунса ауыҙҙа иреп кенә торасаҡ. Ә бына ҡамырға сода һалһағыҙ, бешкәндән һуң уның ҡарайып киткәнен, ауыр еҫ килеүен тойорһоғоҙ.

- Динә АРЫҪЛАНОВА