Бөтә яңылыҡтар
Йәмғиәт
11 Октябрь , 14:30

Райондарҙа йәрминкәләр үтә

Республика көнө айҡанлы Федоровка, Благовар, Бүздәк, Бишбүләк, Миәкә райондарының үҙәк майҙандарҙа йәрминкәләр асылды һәм сағыу концерттар ойошторолдо.

Райондарҙа йәрминкәләр үтә

Республика көнө айҡанлы Федоровка, Благовар, Бүздәк, Бишбүләк, Миәкә райондарының үҙәк майҙандарында йәрминкәләр асылды һәм сағыу концерттар ойошторолдо. Халыҡ урындағы етештереүселәрҙең аҙыҡ-түлеген, ауыл хужалығы тауарҙарын етештереүселәрҙән иген, ҡатнаш аҙыҡ, ит һәм башҡаһын арзан хаҡҡа алып ҡалыу мөмкинлегенән файҙаланды.

Ә бына Благовар районының Ямаҡай ауылында бик үҙенсәлекле байрам үткән – китапхана, ауыл клубтары менән бергә ололар балан йыйыу байрамына сыҡҡан. Сара тирә-яҡ мөхитте һаҡлауға йәштәрҙең иғтибарын йүнәлтеүгә, йолаларҙы тергеҙеүгә йүнәлтелгән. Ололар ошо ерҙәрҙең тарихын һөйләп йырҙар йырлап, йәштәрҙе милли аш-һыу менән һыйланы. Өҫтәлдәге һый-ниғмәт баландан әҙерләнгән ине: бөйөрөктәр, ҡайнатмалар, ҡаҡ, кеҫәл, хатта балан ҡатығы!

Автор:Лилия Нуретдинова