Төркөмөбөҙ хаҡында видеоклип төшөрмәксебеҙ

Беҙ “Алағуз һылыуҙары” төркөмөн ойошторҙоҡ. Ошо хаҡта гәзит уҡыусыларға ла һөйләге килә. Төркөмдә дүрт ҡыҙ: Эмилия менән Диана Рәхимовалар, Элина һәм Вилена Фәссәховалар. Ижади төркөмдө төҙөү фекере көтмәгәндә килде.

2020 йылда коронавирус пан­де­мияһы арҡаһында барлыҡ концерт-конкурстар кисектерелде, ә беҙгә ижадһыҙ, сағыу тәьҫоратһыҙ күңелһеҙ ине. Шуға ла үҙебеҙ йырҙар яҙып, социаль селтәрҙәр аша уртаҡлаша башланыҡ.

Йырҙар яҙҙырабыҙ, видеоларға төшәбеҙ һәм уларҙы социаль сел­тәрҙәргә һалабыҙ. Бөгөн яҙмала­рыбыҙ ҙа, яҙылыусыларыбыҙ ҙа бик күп! Төркөмөбөҙҙөң барлыҡ сығыш­тары аудиторияла популярлыҡ яуланы, сөнки вокаль һәм хореографик оҫталыҡҡа эйә булырға, ҡабатланмаҫ стиль бул­дырырға тырышабыҙ.

Бөтәбеҙ ҙә уҡып йөрөйбөҙ. Эмилия – Һатҡы медицина техникумының өсөнсө курсында, Элина – Абзай урта мәктәбендә – Х, Вилена һәм Диана IХ класта белем ала.

Яҡындарыбыҙ беҙҙең менән ғорурлана һәм ярҙам итә. Беҙҙе яратып ҡараған дуҫтарыбыҙ, класташ­тарыбыҙ, курсташтарыбыҙ ҙа бик күп. Киләсәктә төркөмөбөҙҙөң билдәлелек яулауы тураһында хыялланабыҙ. Видеоклип төшөрөргә лә ниәтебеҙ бар.

“Алағуз һылыуҙары”.

Ҡыйғы районы.