Төндә нисек эшләйҙәр?

Кисә төндә Стәрлетамаҡта ҡалалағы, ғәҙәттә, төндә эшләгән заведениеларҙы йәнә тикшерҙеләр. “Роспотребнадзор”,  полиция, ҡала хакимиәте вәкилдәре Башҡортостан Башлығының көсәйтелгән әҙерлек буйынса режимды индереү буйынса указының 23 сәғәттән 6 сәғәткә тиклем тамаша-күңел асыу сараларын үткәреүҙе, йәмәғәт туҡланыу хеҙмәтен күрһәтеүҙе тыйыу өлкәһендәге положениеларын үтәү ҡаралды.

Рейдта ҡатнашыусылар 30-ҙан ашыу кафе-ресторан һәм башҡа ойошмаларҙы тикшерҙе. Күп ойошмаларға иҫкәрмәләр булмаған, беренсе рейдта положение талаптарын үтәргә теләмәгән ойошмалар ябылған. Шулай ҙа был ҡағиҙәләрҙе үтәргә ашыҡмаған ойошмалар теркәлгән. Мәҫәлән, “BAR CENTRAL”да аҙыҡ-түлеккә, алкоголле эсемлектәргә заказ биргәндәр теркәлгән. Шул уҡ ваҡытта үҙәк инеү урыны ябыҡ булһа, хеҙмәткәрҙәр өсөн тәғәйенләнгән ишек асыҡ булған.

Әле рейдтар буйынса эштәр ҡарала. Әйткәндәй, бындай саралар 7 ноябргә тиклем дауам итәсәк, тип хәбәр итә Стәрлетамаҡ ҡала хакимиәтенең мәғлүмәт бүлеге.

Фото: sterlitamak.ru