Туҡланыуға иғтибар итегеҙ

Заман башҡа – заң башҡа, тиһәләр ҙә, ниндәй генә осор булмаһын, һаулыҡ-бәхеттән дә ҙурыраҡ ҡыуаныс юҡ был донъяла.

Бының өсөн туҡланыуҙың мөһим роль уйнауын онотмайыҡ. Шуға рационығыҙҙа биш төр аҙыҡ-түлектең булыуы хаҡында хәстәрлек күрегеҙ.

Йәшелсә, еләк-емеш. Улар­ҙың барыһында ла С витамины күп. Ә ул иммунитет өсөн бик кә­рәк. Бынан тыш, ул – антиоксидант та, йәғни тәндең йәшәреүенә булышлыҡ итә. Өҫтәүенә, В төркөмөнә ҡараған витаминдарҙың ҡан ялҡынһы­ныуҙан һәм башҡа кире йоғонтонан һаҡлауы хаҡында оноторға ярамай.

Сәтләүектәр. Уларҙа омега 3, тағы Е һәм Н (биотин, В7) витаминдары бар. Әйткәндәй, Е витамины ла антиоксидант икән.

Диңгеҙ ризыҡтары. Улар организмды шулай уҡ омега 3, йод, цинк, аҡһым менән тәьмин итә. Һуңғыһы, белеүебеҙсә, быуындар өсөн генә түгел, тире күҙәнәктәре өсөн дә “төҙөлөш материалы”.

Ит. Уны аҙнаһына ике тапҡыр булһа ла ашарға кәрәк, сөнки унда организм өсөн мөһим аҡһым менән тимер бар. Тап улар организмды, шул иҫәптән тирене кислород менән тәьмин итә. Ә был иһә – матурлыҡтың, сәләмәтлектең үҙе. Бигерәк тә бауырҙың файҙалы икәнлеген онотмайыҡ.

Ярма, дөгө, макарондың ҡаты сорттары В һәм РР төркө­мөнә ҡараған витаминдарға бай. Улар аҙыҡ-түлектең яҡшы эшкәр­те­леүен тәьмин итә, эсәктәрҙең сәләмәт булыуы өсөн яҡшы.

Әле  һауа торошо тотороҡһоҙ, ышанысһыҙ. Берсә ямғыр һибә­ләй, берсә ҡояш нурҙары һаран ғына битте иркәләй, өҫтәүенә, төрлө инфекциялар һағалай. Тап бына ошондай ваҡытта туҡла­ныу­ҙың сәләмәтлеккә, тимәк, матурлыҡҡа ла йоғонто яһауы хаҡында онотмайыҡ һәм үҙе­беҙҙе һаҡлайыҡ, һау булайыҡ.

- Айһылыу НИЗАМОВА