Бурысҡа аҡса һораһалар...

Һәр кем раҫлай алалыр, моғайын: ҙур булмаған сумманы бурысҡа алып торалар ҙа, ҡайтарырға “оноталар”. Ундай кешеләрҙең күптәре алыҫта, бәйләнеш тә юҡ. Хәҙер был мәсьәләлә заман үҙгәрҙе.

Ни өсөн ҙур булмаған сумма һорайҙар? Сәбәбе берәү: ҡайһы берәүҙәр аҡса биреүсе артабан ҡул һелтәр, шул ғына аҡса өсөн судлашып йөрөмәҫ бит инде тип уйлай. Һәм хаҡлы булып сыға. Ҡабат-ҡабат талап итһәң, уның дошманына әүереләһең.

Бөгөн таныштарыңа бурысҡа аҡса биреүҙең кәрәге юҡ, сөнки банкка барып кредит алырға була. Шул иҫәптән – ҡыҫҡа ваҡытлы кредит. Элек кенә бындай мөмкинлек юҡ ине.

Бер көн танышым үтескә аҡса һорай. “Банктан ал, – тим. – Һис һүҙһеҙ бирәсәктәр. “Тинькоф.ру” йәки “Альфа-Банк-ру” сайттарына инәһең һәм – аҡса кеҫәңдә”. “Унда процент түләргә кәрәк бит”,– ти был. “Йөҙ көнгә саҡлым процент түләргә кәрәкмәй”, – тинем. Ул, риза булмай, китеп барҙы. Тимәк, 100 көнгә саҡлы миңә лә был аҡсаны ҡайтармаҫҡа уйлағанмы? Әллә бөтөнләй ҡайтармаҫҡа...

Фото: yandex.ru.