Хеҙмәттәшлек ике яҡ өсөн дә кәрәк

Бөгөн, 17 ноябрҙә, XV Халыҡ-ара “Рәсәй транспорты” форумы сиктәрендә Башҡортостан Башлығы Радий Хәбиров менән Мәскәү мэрының транспорт мәсьәләләре буйынса урынбаҫары Максим Ликсутовтың эш осрашыуы булды. Унда Башҡортостан Хөкүмәте Премьер-министры Андрей Назаров, төбәктең транспорт һәм юл хужалығы министры Александр Булушев, Өфө ҡалаһы хакимиәте башлығы Сергей Греков ҡатнашты.

– Мәскәү йәмәғәт транспорты тармағын үҫтереү буйынса бик ҙур аҙым яһаны, – тине Радий Хәбиров. - Беҙ Рәсәйҙең баш ҡалаһы инфраструктураһына ҡарайбыҙ, үҙебеҙҙең республикала ла файҙаланыу өсөн иң яҡшы тәжрибәләрҙе өйрәнәбеҙ.

Осрашыуҙа “Тройка” картаһы нигеҙендәге билет системаһын “Алға” транспорт ҡарары менән интеграциялау мөмкинлектәре ҡаралды.

Мәскәүҙәр метрола һәм башҡа төр йәмәғәт транспортында йөрөүгә түләү өсөн “Тройка” картаһы менән файҙалана. Уның функционалы даими киңәйтелеп тора. Мәҫәлән, музейға инеү өсөн дә түләргә мөмкин. Ул шулай уҡ Мәскәү, Ярославль, Тула, Ротов өлкәләре, Яңы Уренгой, Ульяновск, Амурҙағы Комсомольск ҡалалары, Пермь крайы һәм Карелия Республикаһында ғәмәлдә.

– Беҙ Башҡортостанда әүҙем рәүештә “Алға” транспорт картаһын ҡулланыуға индерәбеҙ. Уны транспортта һәм башҡа тармаҡтарҙа файҙаланып була. Шуға күрә халыҡ өсөн уңайлы түләү системалары йәһәтенән хеҙмәттәшлек мөмкинлектәрен өйрәнергә теләйбеҙ, – тине Радий Хәбиров.

– Беҙ “Алға” транспорт картаһының мөмкинлектәрен юғары баһалайбыҙ һәм беҙҙең “Тройка” менән интеграцияһы яҡлыбыҙ. Һуңғы һөҙөмтәлә был бөтә пассажирҙар өсөн дә уңайлы буласаҡ, – тине Максим Ликсутов. – Транспорт картаһы нигеҙендәге мәғлүмәт технологиялары юлдағы хәлде күреү һәм теге йәки был участкала күсмә составтың етмәүенә оператив ҡарар ҡабул итеү мөмкинлеге бирә. Бынан тыш, был үтә күренмәле финанстар һәм бөтә кимәл ҡаҙналарына һалымдар ҙа.

Яҡтан шулай уҡ Башҡортостан өсөн интеллектуаль транспорт системаһын проектлау мәсьәләһен тикшерҙе. Ул транспорт ағымы менән идара итеүҙе автоматлаштырыу, аварияларҙы кәметеү, юл хәрәкәтен ойоштороу сифатын арттырыу мөмкинлеген бирә.

Фото: Башҡортостан Башлығы сайты.