Иҫке теш щеткаһын тапшырырға була

Өфөлә Башҡорт дәүләт аграр университет студенттары «Щетка, бирел!» тип аталған экологик акция иғлан иткән. Акцияның ойоштороусылары булып студенттарҙың экологик клубы, Экология министрлығының «Йәшел ҡалҡан», «Рәсәйҙең йәшел вуздары», «Йәшел Башҡортостан» эко-проекты тора, тип белдерә «Башинформ» мәғлүмәт агентлығы.

Акцияның шарттары ябай: бары тик тотонолған теш щеткаларын ташламай, тәғәйен урынға килтереү. Әммә шуныһы - электр щеткаларҙы, ағастан эшләнгәндәрен, аяҡ һәм өҫ кейеме щеткаларын, төрлө теш соҡоғостарҙы тапшырырға ярамай. Был акция 2022 йылдың 31 майына тиклем барасаҡ.

Шулай итеп, тотонолған иҫке теш щеткаларығыҙҙы ташламағыҙ, ә уларҙы БДАУ-ҙың 2-се корпусына (8 Март урамы, 17) алып килегеҙ. Һау-сәләмәт булыу өсөн, теш щеткаларын өс ай һайын алмаштырып тороу зарур икәнлеген дә иҫтән сығармағыҙ.

Фото "Башинформ".