Хәйерле сәғәттә, "Көнбайыш экспресс"!

Бөгөн Башҡортостан Башлығы Радий Хәбиров социаль селтәрҙәрҙә яҡшы яңылыҡ менән уртаҡлашты.

“Минең янымда Алена Миронова – Рәсәйҙәге беренсе ҡатын-ҡыҙ пассажир поезы машинисы. Бөгөнгө беҙҙең осрашыу республика өсөн бик яҡшы сәбәп буйынса – Рәсәй тимер юлдары менән “Көнбайыш экспресс”ты асабыҙ. Ул Өфөнән Приютҡа һәм кире йүнәлештә йөрөйәсәк.

Былтыр Өфө – Ырымбур маршруты буйынса “Көньяҡ экспресс”ҡа старт бирҙек. “Көнсығыш экспресс”ты көтәбеҙ, маршрутты быйыл йыл аҙағында – киләһе йыл башында Белорет яғына асырға ниәтләйбеҙ.

Беҙҙең бурыс – халыҡ тиҙ, уңайлы, хәүефһеҙ һәм осһоҙораҡҡа хәрәкәт итә алһын өсөн мөмкин тиклем күберәк шарттар булдырыу”, – тип яҙҙы ул.

Фото: "Бәйләнештә".