Ҡайһылыр мөрәжәғәттәрҙә – дөрөҫлөк, ҡайҙалыр – ялған...

Республикаға идара итеү үҙәге төркөмөнән:

"Бынан өс йыл элек Радий Хәбиров суррогат алкоголгә ҡаршы һуғыш иғлан иткәс, аңлашылмаусанлыҡтар күп ине – халыҡ социаль селтәрҙә был темаға яҙылған мәғлүмәттәрҙе нисек эшкәртергә, уларҙы ҡайҙа ебәрергә белмәне. Һөҙөмтәлә ҡарар ҡабул иттек: Башҡортостандың Сауҙа һәм хеҙмәттәр министрлығы Йәмәғәт хәүефһеҙлеге ведомство-ара Совет һәм Башҡортостан буйынса Эске эштәр министрлығы менән берлектә был мәғлүмәттәрҙе эшкә ала. Ә беҙ, Республикаға идара итеү үҙәге – халыҡтың мөрәжәғәттәрен һәм хеҙмәттәштәрҙең яуаптарын йыябыҙ. Әле лә шулай алға барабыҙ.   

Йүнәлеш ябайҙан түгел: ҡайһылыр мөрәжәғәттәрҙә – дөрөҫлөк, ҡайҙалыр – ялған. Әммә Радий Хәбировтың беҙҙең алда ҡуйған бурыстары аңлайышлы һәм ябай – көнкүрештән суррогат араҡыны алып ташларға, халыҡтың һаулығына ҡурҡыныс янамаһын өсөн барыһын да эшләргә.

Бөтәһен дә эшләп булмай, әлбиттә, әммә һөҙөмтә бар, һәм беҙ алға хәрәкәт итәбеҙ. Кисә Республикаға идара итеү үҙәгендә хеҙмәттәштәр, Сауҙа һәм хеҙмәттәр министрлығы, Йәмәғәт хәүефһеҙлеге советы менән артабанғы берҙәм эште ҡараныҡ. Хеҙмәттәшлек маҡсаты үҙгәрмәй, бурыстар ҙа шул уҡ. Кәңәшмәне даими уҙғарырға планлаштырабыҙ".

Фото: Башҡортостандың Республикаға идара итеү үҙәге.