Бөтә яңылыҡтар
Йәмғиәт
1 Март 2022, 09:17

Фото төшөрөргә яратаһығыҙмы?

top5-top10.ru
Фото:top5-top10.ru

Фото төшөрөргә яратыусылар конкурс­та ҡатнаша ала, тип ишеткәйнем. Ошо хаҡта яҙмаҫһығыҙмы икән?

Ф. Хәкимова.

– Рус география йәмғиәтенең Башҡортостан буйынса бүлексәһе “Минең яратҡан ҡалам” документаль һәм художестволы фотографиялар конкурсын үткәрә. Һүҙ был хаҡта баралыр, моғайын.

Ошондай эштәре аша өфөләр үҙ ҡалаһын, ундағы тормошто нисек күреүен – йорт һәм ғаиләне, парктарҙы, скверҙарҙы, урамдарҙы, билдәле урындарҙы күрһәтә ала. 

Конкурста, йәшенә ҡарамай, һәр кем, шул иҫәптән ижади коллективтар ҙа ҡатнашыу хоҡуғына эйә. Эштәр 2022 йылдың 1 июненә тиклем ҡабул ителә.

Конкурс ошо номинациялар буйынса үткәрелә:

“Өфөнөң архитектура һәйкәлдәре”;

“Өфө ҡош осошо бейеклегенән”;

“Күп йөҙлө Өфө”;

“Барыһы ла туған ҡалам тураһында”.

Баш ҡаланың заманса сағылышын һәм актуаллекте һаҡлау өсөн фотолар 2020 йылдан ҡалмай төшөрөлгән булырға  тейеш. Сараға йомғаҡ быйыл август-сентябрҙә яһаласаҡ. Еңеүселәр күргәҙмәһе Өфө ҡалаһы тарихы музейында ойоштороласаҡ.

Айһылыу НИЗАМОВА

Читайте нас в