Бөтә яңылыҡтар
Йәмғиәт
1 Март 2022, 11:30

Юғалған һәм... дауаханала табылған

Өс бала атаһын туғандары тәүлек буйына эҙләп ут йота...

Юғалған һәм... дауаханала табылған
Юғалған һәм... дауаханала табылған

Башҡортостанда 26 февралдә Удмуртияның Сарапул ҡалаһынан булған өс бала атаһы эҙһеҙ юҡ була. Үҙ автомобилендә ул дуҫын Өфө аэропортына алып китә, ә кире юлда туғандары менән бәйләнеше өҙөлә. Бер тәүлектән һуң ғына уның Өфөләге бер дауаханаға юлығыуы асыҡлана.

- Сәғәт таңғы 6-ла ул Сарапулдағы дуҫын Өфө аэропортына алып киткән. Уны тейешле урында ҡалдырғас, өйгә ҡайтырға сығам тип шылтыратҡан. Ә ярты сәғәттән һуң уның менән бәйләнеш өҙөлә. Ҡатыны ике телефон һандарына ла шылтыратып ҡарай: икеһе лә яуап бирмәй. Ошонан һуң ҡатын Сарапул полицияһына ярҙам һорап мөрәжәғәт итә. Ә унда инде ирҙең билдәләре күрһәтелгән фоторәсемен төрлө ергә тараталар, - тип һөйләй бер яҡыны.

27 февралдә, бер тәүлектән һуң, Сергейҙың ҡатынына Өфө дауаханаларының береһенән ирҙең уларҙа дауаланыу үтеүе тураһында хәбәр иткәндәр. Әлегә шуныһы билдәле: юлда ирҙең һаулығы буйынса проблема килеп тыуған.

Фото:newsbash.ru

Автор:Аклима Гизатуллина
Читайте нас в