Ышанмағыҙ, Рәсәйҙән ситкә сығыу сикләнмәй

Социаль селтәрҙә Рәсәйҙән осҡан ҡайһы бер самолет рейстарын туҡтатыуҙары тураһындағы яңылыҡ киң таралыу алды. Граждандар илде ташлап китә алмаһын өсөн осоштарҙы тыйғандар, тип яҙа Украина телеграм-каналы.
Мәғлүмәт ысынбарлыҡҡа тап килмәй, тип хәбәр итә войнасфейками.рф порталы. Граждандар өсөн Рәсәйҙән ситкә сығыу йәһәтенән бер ниндәй ҙә сикләүҙәр юҡ.

Төн уртаһынан алып иртәнге 8-гә тиклем баш ҡала аэропорттарынан ғына Дели, Баҡы, Дубай, Улан-Батор, Тель-Авив, Мале, Сәмәрҡәнд, Анталья, Белград, Ереван, Хургада, Истанбул, Бешкәк, Фирғәнә, Нурсолтан, Бохара һәм Минск ҡалаларына самолеттар осҡан.

3 мартта Новосибирскиҙан Ереванға юлланған S7 авиакомпанияһы самолеты менән ысынлап та сетерекле хәл булды. Самолет һауаға күтәрелгәс, документтарында проблема булыуы асыҡланды. Уны Минеральные водыла ултырттылар. Мәсьәлә хәл ителгәс, VP-BSL борты пассажирҙарҙы Ереванға имен-аман алып барып еткерҙе. Әрмәнстанда һауа судноһын ҡулға алыу тураһындағы мәғлүмәтте урындағы власть кире ҡаҡты.

“Самолетты ҡулға алыу тураһындағы хәбәр дөрөҫлөккә тап килмәй”, – тип белдерҙе транспорт өлкәһендәге сәйәсәт идаралығы начальнигы Вардан Чилингарян.