Башҡортостан
-10 °С
Болотло
VKOKРУС
Бөтә яңылыҡтар
Йәмғиәт
7 Март , 23:01

Аҡ халатлы фәрештәләр

Табипҡа мөрә­жәғәт итмәгән кеше юҡтыр. Миңә лә һирәкләп булһа ла Өфө ҡала­һы­ның 44-се по­ли­кли­никаһына барырға тура килә. Ошо дауалау учреж­дение­һындағы таҙалыҡты, бөхтә­лекте күреп һоҡ­ла­нам. Һәр ваҡыт терапевт Екатерина Ни­колайчукка күре­нергә тырышам, уға сират та ҙур була.

Екатерина Игоревна 1983 йылда Өфөнөң тарихи үҙәгендә, төҙөүселәр ғаиләһендә тыуған. Өфөләге 1-се урта мәктәпте тик “бишле” билдәләренә тамам­лағандан һуң Башҡортостан дәүләт медицина инс­ти­ту­тына уҡырға инә. 2009 йылда Өфөнөң 44-се поликлиникаһына участка табип-терапевы булып эшкә килә. Ошо осорҙа Өфө ғилми-тикшеренеү институты филиалының хеҙмәт медицинаһы һәм кеше эколо­гия­һы бүлегендә ординатураны ла тамамлай. 2020 йылдан ошо поликлиникала 1-се терапия бүлеген етәкләй.

Екатерина Игоревна – 1-се категориялы табип. Бик күп маҡтау ҡағыҙҙары, рәхмәт хаттары менән бүләкләнгән. Шулар араһында Һаулыҡ һаҡлау министрлығының Почет грамотаһы ла бар.

Изге күңелле, ололарға асыҡ йөҙлө, илтифатлы табипҡа уңыштар теләйем.

Миңнур ҒҮМӘРОВА.

Читайте нас в