“Яҡшы мөнәсәбәттәре аяҡҡа баҫтырҙы...”

Медицина хеҙмәткәрҙәренә рәхмәт һүҙҙәре һәм күңелдән сыҡҡан яҡшы теләктәр килеүен дауам итә. Бөгөн шуларҙың бер-икеһе менән танышайыҡ.

“Һуңғы осор беҙҙең өсөн еңел­дән булманы. Коронавирус инфек­цияһы­ның таралыуы, сикләүҙәр көсөргәнеш тыуҙырҙы. Хәүефле сир беҙҙең ғаиләне лә урап үтмәне. Көтмәгәндә мәкерле вирусты йоҡто­роп, Зубов ҡасабаһындағы йоғошло ауырыуҙар госпиталенә килеп эләктем.

Бик ауыр хәлдә инем, әллә күпме хроник сирҙәрем бар. Мине госпи­талдә йылы ҡаршыланылар, ошондай ҙа иғтибарлы ҡараш булыр тип һис көтмәгәйнем. Әйтерһең дә, сит илдәге ҡиммәтле дауаханала дауаланам, барыһы ла яңы, палаталар таҙа. Ә шәфҡәт туташтары, минут һайын тигәндәй хәлемде белешеп, тейешле процедураларын йәһәт кенә башҡара, температураны үлсәй, энә ҡаҙай.

Табиптар Г. Мирсаяпова һәм Д. Се­менованың профессионаллеге, ке­шеләрсә мөнәсәбәте мине шулай тиҙ һауыҡтырғандыр. Бындай яҡшы мө­нәсәбәт бер миңә ҡарата ғына бул­ғандыр, тип уйлай күрмәгеҙ, бөтә ауырыуҙар ҙа уларҙың йылы ҡара­шын тойоп, ярҙам итәсәктәренә ышанып ятты.

Палатала дауаланған дүрт пациент та ошо аҡ халатлы фәреш­тәләргә сикһеҙ рәхмәтле булған­дыр, тип уйлайым. Барыбыҙ ҙур өмөттәр бағлап көтөп алған Яңы йылға аяҡ баҫтыҡ, тик әлегә ковид-госпиталдәр хеҙмәт­кәрҙәренә ял итергә форсат юҡ. Мин уларға көс еткеһеҙ хеҙмәттәре өсөн рәхмәтемде белдерәм, быйыл бары уңыштар ғына насип булыуын теләйем. Һаулыҡ, именлек һеҙгә!” – тип тамамлаған хатын А.В. Кулагин.

Факкаровтар ғаиләһе лә ошо бүлексә табиптарына – мөдир Дарья Владимировна Семеноваға, табиптар Роберт Дамир улы Мөхөтдиновҡа, Гөлшат Тәфтизан ҡыҙы Мирсаяпо­ваға, Лина Марат ҡыҙы Хисамоваға, тынғыһыҙ шәфҡәт туташтарына, егәрле санитаркаларға оло рәхмәт­тәрен белдергән. “Беҙ уларҙың йөҙҙәрен дә күрә алманыҡ. Шундай ауыр шарттарҙа ла кешелек сифаттарын һаҡлаған, һынмаған, ҡыйыу эш иткән, ярҙамсыл медицина хеҙ­мәткәрҙәренең һәр береһе һоҡланғыс. Үҙҙәренең ғүмерен хәүеф аҫтына ҡуйып, кешеләр һаулығы өсөн кө­рәшкән аҡ халатлыларҙың һөнәр­ҙәренә тоғролоғо хөрмәт тыуҙыра”, – тип яҙа улар.

Д. ҒӘБДРӘХИМОВА.