Биш мең тирәһе яҡташыбыҙ әрме сафын тулыландыра

1 апрелдә Башҡортостанда яҙғы саҡырылышҡа старт бирелде. Үҫмерҙәрҙе армияға алыу 15 июлгә хәтлем дауам итә. Башҡортостан Хәрби комиссариатынан хәбәр итеүҙәренсә, биш мең тирәһе үҫмер Рәсәйҙәге төрлө ғәскәри частәргә оҙатыласаҡ.

Ә дөйөм алғанда, Рәсәй буйынса әрме сафтарына 134,5 йәш егет баҫасаҡ, был үткән осорға ҡарағанда кәмерәк. Һалдаттарҙың әрме хеҙмәте уҡыу үҙәктәрендә башлана, уҡыу-өйрәнеү осоро өс айҙан биш айғаса бара.

Рәсәй Оброна министрлығынан белдереүҙәренсә, һалдаттарҙы Украинаға ебәрмәйәсәктәр. Ә махсус операцияла тик профессиональ хәрбиҙәр генә ҡатнаша.

- Һалдаттар “ҡыҙыу нөктә"ләргә ебәрелмәйәсәк, – тине Рәсәй оборона министры Сергей Шойгу. – Үткән йылғы яҙғы саҡырылыштағы һалдаттарҙың хеҙмәт срогы тулыу менән тыуған яҡтарына ҡайтасаҡтар.

Әйткәндәй, быға тиклем Рәсәй Президенты Владимир Путин да һалдаттарҙың Украиналағы махсус операцияла ҡатнашмауын һыҙыҡ өҫтөнә алды.

Коронавирус ауырыуын таратмау маҡсатында урындағы хәрби комиссариаттарҙа һәм йыйылыу пункттарында төрлө һаҡланыу саралары күрелә.

Фото: Башҡортостан Хәрби комиссариаты.