13-сө тапҡыр әсәй булған!

Һуңғы йылдарҙа Башҡортостанда 13-сө сабыйын тапҡан әсәне табиптар хәтерләмәй ҙә. Ошо көндәрҙә Өфөнөң Ғ. Ҡыуатов исемендәге республика клиник дауаханаһында Балтас районының Иҫке Балтас ауылында йәшәгән Альбина Хәйҙәршина 13-сө тапҡыр әсәлек бәхетен татыны.

Кескәй Байрасты өйҙә алты ағаһы һәм алты апайы түҙемһеҙләнеп көтә. 45 йәшлек Альбина Хәйҙәршина менән сабыйы үҙҙәрен яҡшы тоя. 

– Һәр бала үҙ ризығы менән тыуа, шуға күрә бер ҙә ҡурҡманыҡ. Хоҙай Тәғәлә биргән икән, риза булып ҡабул иттек. Ете балам әле йортобоҙҙа, ярзамлашмайбыҙ, тиеүсе юҡ, һәр береһенең үҙенә тәғәйен эше бар. Бар эште лә бергәләп башҡарабыҙ. Балаларыбыҙ иҫән-һау булһын! - тип йылмая бәхетле әсә.

Фото: БЮТ-тан скриншот.