Ватыҡ эскәмйәгә ултырыу хәүефле

Салауат ҡалаһында насар уйлы әҙәмдәр аллеяла эскәмйәне емергән. Донъяуи проблеманы иҫкә төшөргәндә, был диңгеҙҙәге тамсы кеүек тойола. Ә уйлап ҡараһаң, тормошобоҙ тап ошо ваҡлыҡтарҙан тора ла инде.

Был турала ҡала халҡы тейешле урынға мөрәжәғәт иткән. Әлбиттә, кешеләрҙең аһ-зарын Республикаға идара итеү үҙәге белгестәре лә ишеткән. Үҙ сиратында, быны Салауат ҡалаһы хакимиәтенә оҙатҡандар. Ғәжәп бит, ошо хәлдән һуң Ленин урамындағы аллеялағы бер аяғы һынған эскәмйә урынына “һә тигәнсә” яңыһын урынлаштырғандар. Башҡа шундай уй килә, ошо кес кенә проблеманы Республикаға идара итеү үҙәге күтәрмәһә, ватыҡ эскәмйә һаман да рәтләнмәҫ инеме икән?! Аллея “Флора” идаралығының балансында булған.  

Фото: marks24.ru