"Ҡана, уның өсөн үҙем түләйем!.."

Ошо көндәрҙә миңә лә шундай күренештең шаһиты булырға тура килде.

Үҙәк баҙар туҡталышын үткәс, 12-13 йәштәрҙәге үҫмер киләһе туҡталышта төшөү ниәте менән водителгә картаһын һуҙҙы. Тик унда аҡса булмай сыҡты, “Картаңда аҡса юҡ”, - тине водитель. Малай аптырап ҡалды, кеҫәләрен ҡараштырҙы. Шул саҡ алғы ултырғыста ултырған егет (моғайын, студенттыр, тип уйлап ҡуйҙым һуңынан) һикереп торҙо ла: “Ҡана, мин уның өсөн түләйем”, - тип картаһын һуҙҙы. Был хәл шул тиклем тиҙ килеп сыҡты, автобустағы халыҡ нимә булғанын аңлап та өлгөрмәне. Уҡыусы бала рәхмәт әйтеп төшөп китте.

Ике-өс туҡталыштан һуң өс-дүрт йәштәрҙәге ейәнсәрен етәкләгән өләсәй килеп инде. Был мәлгә автобуста буш урындар ҡалмаған ине. Тағы теге егет тороп баҫты ла: “Ултырығыҙ”, - тип урын тәҡдим итте.

Хәҙер йәштәр тәрбиәһеҙ, мәрхәмәт, изгелек күрһәтә белмәй тип йыш ҡабатларға күнеккәнбеҙ. Йәштәрҙең дә төрлөһө бар. Ғаиләһендәге тәрбиәнән, эске мәҙәниәттән торалыр күп нәмә...

Фото: infosmi.net