Йыландың хужабикәһе табылған!

Бынан бер аҙна элек ҡотҡарыусылар Өфө ҡалаһының Сипайлово биҫтәһендәге күп фатирлы йорттан йылан тапҡайны. Был хаҡта социаль селтәрҙәрҙә һәм киң мәғлүмәт сараларында хәбәр таралғандан һуң ҡасҡалаҡ йән эйәһенең хужабикәһе табылған.

Йыланды ҡыҙға Яңы йыл байрамына бүләк иткән булғандар. Ул уға Сия тип исем биргән һәм террариумда аҫраған. Әммә былтыр октябрь айында йән эйәһе ҡапыл юҡҡа сыҡҡан. Хужабикәһе уны фатирҙа ла, йортта ла эҙләп ҡараған, әммә һөҙөмтә булмаған. Һәм бына социаль селтәрҙә ҡотҡарыусылар тарафынан табылған йылан тураһында видеояҙма таралғас, ул үҙенең Сияһын таныған. 

Ә һеҙ фатирҙа йылан тотоуға нисек ҡарайһығыҙ?

Фото: minoapps.com

Видеояҙма: vk.com/bashkiria_ru