Башҡортостан
-11 °С
Болотло
VKOKРУС
Бөтә яңылыҡтар
Йәмғиәт
11 Май 2022, 10:00

Иҫәкәйҙәр балаҫ һуға

Автор фотоһы.
Фото:Автор фотоһы.

Яҡташтарымдың бөтә йорт-ҡура мәшәҡәттәрен ситкә ҡуйып тороп, ҡул эштәрен өйрәнеүгә ихлас тотоноуына һоҡланмау мөмкин түгел.

Һеҙҙә балаҫ һуғалармы?

Беҙҙә балаҫ һуғалар.

Эшләйҙәр ҙә, йыр­лайҙар ҙа,

Беҙҙә ҡыҙҙар уңғандар.

Балаҫ һуғыу – халҡыбыҙҙың боронғо милли шөғөлдәренең бе­реһе. Элек ҡыҙҙарҙы кейәү йортона оҙатҡан саҡта мотлаҡ рәүештә бир­нәлек балаҫ һалғандар. Келәм һу­ғыу кеүек боронғо халыҡ кәсебе та­мырҙары менән тарих төпкөлөнә китә. Элек был һөнәр тормошта бик кәрәкле булған. Һәр ҡатын-ҡыҙ уны күңел йылыһын биреп башҡарған.

Ишембай районының Иҫәкәй ауылында йәшәгән ҡул оҫтаһы Флүрә апай балаҫ һуғыу серҙәрен ҡатын-ҡыҙҙарыбыҙға өйрәтергә теләй. Тәүге көндө ептәргә бәйле аңлатыу эштәре башҡарылды. Был һөнәрҙең беҙ өйрәнәһе нескә­лектәре күп икән. Бик мауыҡтырғыс шөғөл икән балаҫ һуғыу!

Башҡорт балаҫтары матур,

Оҫта итеп һуғайыҡ.

Күҙҙең яуын алһын тиһәк,

Сағыу ептәр ҡуяйыҡ.

Иҫәкәй ҡатын-ҡыҙҙарының дәр­те, эшһөйәрлеге башҡаларға ла күсһен!

 

Мәҙинә АЛТЫНБАЕВА.

 

Ишембай районы.

Читайте нас в