Бөтә яңылыҡтар
Йәмғиәт
15 Май 2022, 23:00

Ямғыр һорап әйтелә торған доғалар

Яҙғы ямғырҙар мәле. Был ваҡытта гел изге теләктә, яҡты ниәттә булайыҡ, дуҫтар. Ямғыр яуған ваҡытта пәйғәмбәребеҙ Мөхәммәт ғәләйһис-сәләм: “Эй Раббым, был ямғырҙы хәйерлегә, шифаға, бәрәкәткә генә бир”, – тиер булған. Ямғыр һорап әйтелә торған доғаларҙы тәҡдим итәбеҙ. 

Ямғыр һорап әйтелә торған доғалар
Ямғыр һорап әйтелә торған доғалар

1. "Аллаһүммәс-ҡинәә ғайҫән мүғииҫән мәрииьән мәрииғән нәәфиғән ғайра дааррин ғәәжилән ғайра әәжил".

Мәғәнәһе: "Эй Аллаһ! Беҙҙе ҡотҡарыусы, яғымлы, уңдырышлы, файҙалы, зыянһыҙ, һуң түгел, хәҙер яуа торған ямғыр менән һуғара күр!"

2. "Аллааһүммә әғиҫнәә, аллааһүммә әғиҫнәә, аллааһүммә әғиҫнәә".

"Эй Аллаһ! Беҙгә (ямғыр менән) ярҙам итә күр! Эй Аллаһ! Беҙгә (ямғыр менән) ярҙам итә күр! Эй Аллаһ! Беҙгә (ямғыр менән) ярҙам итә күр!"

3. "Аллааһүммәс-ҡи ғибәәдәкә үә бәһәәь-имәкә үән-шүр рахмәтәкә үә әхйи бәләдәкәл-мәййит".

Мәғәнәһе: "Эй Аллаһ! Бәндәләреңде һәм йәнлектәреңде һуғара күр! Һәм Үҙ рәхимлелегеңде йәйә күр һәм мәйет булған ереңде терелтә күр!"

("Мосолмандың ҡәлғәһе" китабынан).

Фото: fotokto.ru

Автор:Дилбәр Ишморатова
Читайте нас в