Бөтә яңылыҡтар
Йәмғиәт
20 Май , 06:00

Хәйерле иртә, төркөмдәштәр!

Йәй етә, фонтандар эшләй башланы. Ә һеҙ Өфөләге музыкаль "Ете ҡыҙ" фонтанын күргәнегеҙ бармы? Ҡыҙҙарҙың сәғәт нисәләрҙә көй аҫтында "бейегәнен" һәм фонтанды ҡарау хаҡын түбәндә беҙҙең сайттан ҡарап белегеҙ ҙә килегеҙ!  

Хәйерле иртә, төркөмдәштәр!
Хәйерле иртә, төркөмдәштәр!

"Ете ҡыҙ" фонтаны башҡорт халыҡ легендаһына нигеҙләнеп эшләнгән. Диаметры — 18 метр, авторы — Башҡортостандың атҡаҙанған рәссамы, Башҡортостандың Салауат Юлаев исемендәге дәүләт премияһы лауреаты скульптор Хәниф Хәбибрахманов.

"Ете ҡыҙ" башҡорт халыҡ йыры шундай легенда нигеҙендә тыуған: борон ете ҡыҙҙы ҡаҙаҡ далаларына урлап алып киткәс, ҡасмаһындар өсөн, уларҙың табандарын ярып, ҡыл һалалар. Әммә ҡыҙҙар барыбер тыуған яҡтарына ҡасып китә. Арттарынан ҡыуа төшкәс, үлемде өҫтөнөрәк күреп, улар күлгә ташлана һәм батып үлә. Уларҙың фажиғәле вафатынан һуң күктә ете йондоҙҙан торған Етегән ҡабына.

Фонтандың эш сәғәттәре:
Музыка: 13:15, 19:00, 21:00 и 23:00; төҫлө иллюминация: 21:00, 23:00.
 
Хаҡы: бушлай. 
 
Адресы:
Башҡортостан, Өфө ҡалаһы, Ленин урамы (Ҡунаҡһарай һәм Опера һәм балет театры арауығы).

Фото: www.pinterest.ru

Автор:Гульдар Булякбаева-Бирганова
Читайте нас в