Бөтә яңылыҡтар
Йәмғиәт
4 Июнь 2022, 20:00

"Бына улар, тәүге еңеүселәр"

Радий Хәбиров "Геройҙар уҙышы" тураһында һөйләне. 

"Бына улар, тәүге еңеүселәр"
"Бына улар, тәүге еңеүселәр"

Бөгөн “Патриот” паркында беренсе “Геройҙар уҙышы үтте”. Башҡортостан Башлығы Радий Хәбиров социаль селтәрҙәрҙә уның тәүге еңеүселәре һәм трассаның үҙенсәлектәре тураһында һөйләне.

“Был беҙҙең "Патриот паркы"ндағы "Геройҙар уҙышы"ның тәүге еңеүселәре. Тәүгеләрҙән булып “Ҡаршылыҡтар менән уҙыш” спорт төрө буйынса спорт разряды бирелә һәм кем үҙ субъекттарының йыйылма командаһына эләгә.

  1. Осепян Эдгар (Башҡортостан) – 1 сәғәт 26 минут.
  2. Сутулов Константин (Татарстан) – 1 сәғәт 32 минут.
  3. Боронкин Михаил (Свердловск өлкәһе) – 1 сәғәт 49 минут.

Еңеүселәрҙе һәм ошо ямғырлы көндә һауа торошонан ҡурҡмаған һәм шулай ҙа стартҡа сыҡҡандарҙың барыһын да ҡотлайым.

Беҙҙең "Геройҙар уҙышы"н Рәсәйҙә иң көслөләрҙең һәм оҙондарҙың береһе тип йөрөтәләр. Уҙышта ҡаршылыҡтар уникаль. Һыу ҡаршылыҡтары, бейек стеналар, ауыш ҡоймалар, сәнскеле сым, ер аҫты тоннелдәре, арҡандар, траншеялар, һыу менән соҡорҙар, хәрби хәрәкәттәр имитацияһы – беҙ ярыштар өсөн лайыҡлы, ләкин хәүефһеҙ шарттар булдырырға тырыштыҡ.

Уҙыштарҙа “Чемпионат”, “Мажаралар” һәм “Геройҙар уҙышы. Балалар” тигән өс категорияла ярышырға була ине.

“Чемпионат” – ир-егеттәр һәм ҡатын-ҡыҙҙар өсөн шәхси уҙыш. Трассаның оҙонлоғо – 35 ҡаршылыҡ менән 10 километр.

“Мажара”, 5 километр һәм 25 ҡаршылыҡ- 6-шар кешенән торған командалар өсөн.

Балалар трассаһы – 2 километр, 15 ҡаршылыҡ. Улар алты йәш категорияһы буйынса алты кешенән торған командалар менән трасса үтте: 6-8 йәш; 9-11 йәш; 12-14 йәш.

Бөгөн беҙҙә меңдән ашыу ҡатнашыусы булды, беҙгә Һамар, Ырымбур, Силәбе, Свердловск, Төмән өлкәләренән, Пермь крайынан, Татарстан Республикаһынан, Мәскәүҙән спортсылар килде. Башҡортостандан күп командалар бар. Геройҙар уҙышы Патриот паркы курсанттарыбыҙ өсөн дә һынауҙарҙың бер өлөшө буласаҡ.

Трассаны камиллаштырырбыҙ һәм бында тормош гөрләп торһон, саралар һәм ҡунаҡтар күп булһын өсөн тырышырбыҙ”, – тип яҙҙы ул.

#Гонкагероев
#ПаркПатриот
#чишминскийрайон

Автор:Альфия Мингалиева
Читайте нас в