"Йөрәк ҡушыуы буйынса килгәндәргә рәхмәт!”

Бөгөн Башҡортостан Башлығы Радий Хәбиров социаль селтәрҙәге сәхифәһендә түбәндәгеләр хаҡында яҙҙы.

“Эргәмдә - Вадим Мулланур улы Ханов, Бөрө юл төҙөү-ремонтлау идаралығының Мишкә районы буйынса етәксеһе. Бында, Красный Лучта, ул хеҙмәт командировкаһында – “Башкиравтодор”ҙың 25 хеҙмәткәре иҫәбендә юлдарҙы тергеҙергә ярҙам итә.

Хәҙер юл эштәре тиҙерәк атҡарыласаҡ – бөгөн Башҡортостандан килтерелгән асфальт заводы эш башланы. Уны монтировкалаған ваҡытта соҡорҙарҙы ремонтлау менән шөғөлләндек – оҙаҡ йылдар был эш атҡарылмаған.

Донбасс еренә тыныслыҡ килер тип ышанам. Ә республикабыҙ ҡалаларҙы, ауылдарҙы ипкә килтерергә ярҙам итәсәк. Вадим Мулланур улына һәм бында йөрәк ҡушыуы буйынса килгәндәргә рәхмәт!” - тип яҙҙы республика етәксеһе.

Фото: Радий Хәбировтың социаль селтәрҙәге сәхифәһе.